ഹൈദരാബാദ്: അഹമ്മദാബാദിൽനിന്ന് ഹൈദരാബാദിലേക്ക് എത്തിയ വിമാനത്തിൽ ബോംബുണ്ടെന്ന് ഒരു വിദ്യാർഥിനി സഹപാഠിയോട് പറഞ്ഞതിനെ തുടർന്ന് രാജീവ് ഗാന്ധി അന്താരാഷ്ട്ര വിമാനത്താവളത്തിൽ സുരക്ഷാ പരിശോധന നടത്തി. ഏഴാം ക്ലാസ് വിദ്യാർഥിനിയായ 12 വയസ്സുകാരിയാണ് ശനിയാഴ്ച നടന്ന സംഭവത്തിൽ പരാമർശം നടത്തിയത്.
ഗുജറാത്തിൽ സ്കൂൾ യാത്ര കഴിഞ്ഞ് സഹപാഠികൾക്കും അധ്യാപകർക്കുമൊപ്പം മടങ്ങുകയായിരുന്നു കുട്ടി. വിമാനത്തിലെ ജീവനക്കാരിലൊരാൾ പരാമർശം കേട്ട് പൈലറ്റിനെ അറിയിച്ചതോടെ അധികൃതർക്ക് മുന്നറിയിപ്പ് നൽകി. ശനിയാഴ്ച രാവിലെ 7.45ഓടെ വിമാനം ഹൈദരാബാദിൽ ഇറങ്ങിയശേഷം സുരക്ഷാ നടപടികളുടെ ഭാഗമായി പ്രത്യേക സ്ഥലത്തേക്ക് മാറ്റി. യാത്രക്കാരെ പുറത്തിറക്കിയശേഷം വിമാനത്തിലും ലഗേജുകളിലും പരിശോധന നടത്തി.
പരിശോധനയിൽ സംശയാസ്പദമായ വസ്തുക്കളോ സ്ഫോടകവസ്തുക്കളോ കണ്ടെത്തിയില്ലെന്ന് വിമാനത്താവളത്തിലെ പോലീസ് ഉദ്യോഗസ്ഥൻ അറിയിച്ചു. പ്രായപൂർത്തിയാകാത്ത കുട്ടിയായതിനാൽ കേസോ ഔദ്യോഗിക പരാതിയോ രജിസ്റ്റർ ചെയ്തിട്ടില്ലെന്നും അധ്യാപകരുടെ സാന്നിധ്യത്തിൽ കുട്ടിക്ക് കൗൺസലിങ് നൽകിയെന്നും പോലീസ് വ്യക്തമാക്കി. പരിശോധനകൾ പൂർത്തിയാക്കിയശേഷം യാത്രക്കാരെ വിമാനത്താവളത്തിൽനിന്ന് പോകാൻ അനുവദിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.