ജമ്മു കശ്മീർ: ജമ്മു കശ്മീരിലെ റിയാസി ജില്ലയിൽ ഡ്യൂട്ടിക്കിടെ വെടിയേറ്റ കേന്ദ്ര വ്യവസായ സുരക്ഷാ സേന (സിഐഎസ്എഫ്) ജവാൻ മരിച്ചു. 37 വയസ്സുകാരനായ മുഹമ്മദ് മുഷ്താഖാണ് മരിച്ചത്. റിയാസി ജില്ലയിലെ മാരി ഗ്രാമവാസിയാണ് അദ്ദേഹം.
ജ്യോതിപുരത്തെ ഡ്യൂട്ടി സ്ഥലത്തുവച്ചാണ് മുഷ്താഖിന് വെടിയേറ്റത്. ഗുരുതരമായി പരിക്കേറ്റ അദ്ദേഹത്തെ ആദ്യം റിയാസി ജില്ലാ ആശുപത്രിയിലെത്തിച്ചു. പ്രാഥമിക ചികിത്സ നൽകിയശേഷം വിദഗ്ധ ചികിത്സയ്ക്കായി ജമ്മുവിലെ ആശുപത്രിയിലേക്ക് മാറ്റുന്നതിനിടെ അദ്ദേഹം മരിച്ചതായാണ് റിപ്പോർട്ടുകൾ.
സംഭവത്തിന്റെ സാഹചര്യങ്ങൾ വ്യക്തമല്ല. വെടിയേറ്റത് എങ്ങനെയാണെന്നും അതിന് പിന്നിലെ കാരണമെന്താണെന്നും കണ്ടെത്താൻ പൊലീസ് അന്വേഷണം ആരംഭിച്ചു. സംഭവത്തെക്കുറിച്ച് സിഐഎസ്എഫും അന്വേഷണം നടത്തുന്നുണ്ട്. അന്വേഷണത്തിൽ കൂടുതൽ വിവരങ്ങൾ പുറത്തുവരുമെന്നാണ് പ്രതീക്ഷിക്കുന്നത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.