വാട്ടർഫോർഡ്: അയർലണ്ടിലെ വാട്ടർഫോർഡ് നഗരത്തിന് സമീപമുള്ള ബിർച്ച്വുഡ് എസ്റ്റേറ്റിലെ ഒരു വീട്ടിലുണ്ടായ തീപിടിത്തത്തിൽ നിരവധി പേർ മരിച്ചതായി റിപ്പോർട്ടുകൾ. ചൊവ്വാഴ്ച രാവിലെ സംഭവസ്ഥലത്ത് അടിയന്തര സേവനവിഭാഗങ്ങൾ എത്തി രക്ഷാപ്രവർത്തനങ്ങളും തുടർനടപടികളും നടത്തി.
വാട്ടർഫോർഡ് നഗരമധ്യത്തിൽനിന്ന് ഏകദേശം മൂന്ന് കിലോമീറ്റർ അകലെയാണ് തീപിടിത്തമുണ്ടായ വീട്. സംഭവത്തെത്തുടർന്ന് പ്രദേശത്ത് ഗാർഡ (അയർലണ്ട് പൊലീസ്) സുരക്ഷാവലയം ഏർപ്പെടുത്തി. അഗ്നിശമനസേനയുടെ നിരവധി യൂണിറ്റുകളും ഗ്യാസ് നെറ്റ്‌വർക്ക്‌സ് അയർലണ്ടും സ്ഥലത്തെത്തി.
സംഭവം അതീവ ആശങ്കാജനകമാണെന്ന് പ്രധാനമന്ത്രി മൈക്കൽ മാർട്ടിൻ പ്രതികരിച്ചു. ജീവൻ നഷ്ടപ്പെട്ടവർക്കും ദുരന്തത്തിൽ ബാധിക്കപ്പെട്ടവർക്കും വേണ്ടി പ്രാർഥിക്കുന്നതായും അദ്ദേഹം പറഞ്ഞു. രക്ഷാപ്രവർത്തനങ്ങൾക്ക് തടസ്സമുണ്ടാക്കാതെ ബന്ധപ്പെട്ട ഉദ്യോഗസ്ഥർക്ക് പ്രവർത്തിക്കാൻ അവസരം നൽകണമെന്നും അദ്ദേഹം പൊതുജനങ്ങളോട് അഭ്യർഥിച്ചു.
സംഭവത്തെക്കുറിച്ചുള്ള കൂടുതൽ വിവരങ്ങൾ അധികൃതർ പുറത്തുവിട്ടിട്ടില്ല. മരണസംഖ്യ, തീപിടിത്തത്തിന്റെ കാരണം, അപകടത്തിൽപ്പെട്ടവരെക്കുറിച്ചുള്ള വിവരങ്ങൾ എന്നിവ സംബന്ധിച്ച ഔദ്യോഗിക സ്ഥിരീകരണം കാത്തിരിക്കുകയാണ്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.