ബേസിങ്‌സ്‌റ്റോക്ക്: യുകെയിലെ മലയാളി സമൂഹത്തിനിടയിൽ സജീവ സാന്നിധ്യമായിരുന്ന ബേസിങ്‌സ്‌റ്റോക് നിവാസിയും കോലഞ്ചേരി സംഗമം പ്രവർത്തകനുമായ ബോബൻ മാത്യൂസ് എന്ന മനോജ് മണ്ണേക്കാടൻ അന്തരിച്ചു. ഇന്ന് രാവിലെയോടെയായിരുന്നു അന്ത്യം.
വർഷങ്ങൾക്ക് മുൻപ് വൃക്ക മാറ്റിവയ്ക്കൽ ശസ്ത്രക്രിയയ്ക്ക് വിധേയനായിരുന്ന ബോബന് അടുത്തിടെയാണ് കാൻസർ ബാധ സ്ഥിരീകരിച്ചത്. ചികിത്സയിലിരിക്കെ രോഗാവസ്ഥ വഷളായതിനെ തുടർന്നാണ് മരണം സംഭവിച്ചത്.
എറണാകുളം കോലഞ്ചേരി സ്വദേശിയായ ബോബൻ, യുകെയിലെ പ്രാദേശിക കൂട്ടായ്മകളിലും സാമൂഹിക-സാംസ്‌കാരിക പ്രവർത്തനങ്ങളിലും സജീവമായിരുന്നു. പരേതന് രണ്ട് ആൺമക്കളുണ്ട്. ഇദ്ദേഹത്തിന്റെ സഹോദരനും നിലവിൽ യുകെയിൽ തന്നെയാണ് താമസിക്കുന്നത്.
സംസ്‌കാര ചടങ്ങുകൾ സംബന്ധിച്ച കൂടുതൽ വിവരങ്ങൾ പിന്നീട് തീരുമാനിച്ചു അറിയിക്കുമെന്ന് കുടുംബാംഗങ്ങളും സുഹൃത്തുക്കളും അറിയിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.