ന്യൂഡല്‍ഹി : സംഘടനാ തലത്തില്‍ അഴിച്ചുപണി നടത്തി കോണ്‍ഗ്രസ് നേതൃത്വം. വിവിധ സംസ്ഥാന ചുമതലയുള്ള എഐസിസി ജനറല്‍ സെക്രട്ടറിമാര്‍ക്കാണ് മാറ്റം.
നിയമസഭ തെരഞ്ഞെടുപ്പ് അടുത്ത വേളയില്‍ പഞ്ചാബ് കോണ്‍ഗ്രസിലെ ഭിന്നത പരിഹരിച്ച്, വീണ്ടും പാര്‍ട്ടിയെ അധികാരത്തിലേറ്റുക എന്നതാണ് കോണ്‍ഗ്രസ് നേതൃത്വം സച്ചിന്‍ പൈലറ്റിനെ ഏല്‍പ്പിച്ചിരിക്കുന്ന ദൗത്യം. പഞ്ചാബിന്റെ ചുമതലയില്‍ നിന്നും മാറ്റിയ ഭൂപേഷ് ബാഗേലിന് പകരം അസമിന്റെ ചുമതലയാണ് നല്‍കിയിരിക്കുന്നത്.
മറ്റൊരു മുതിര്‍ന്ന നേതാവ് രണ്‍ദീപ് സുര്‍ജേവാലയ്ക്കാണ് ഗുജറാത്തിന്റെ ചുമതല നല്‍കിയിരിക്കുന്നത്. കര്‍ണാടകയുടെ അധിക ചുമതല കൂടി സുര്‍ജേവാലയ്ക്ക് നല്‍കിയിട്ടുണ്ട്. ഛത്തീസ്ഗഢ്, മഹാരാഷ്ട്ര, ആന്ധപ്രദേശ് എന്നിവിടങ്ങളിലെ പാര്‍ട്ടി ചുമതലകളിലും മാറ്റം വരുത്തിയിട്ടുണ്ട്. ഛത്തീസ് ഗഡിന്റെ ചുമതലയില്‍ നിന്നും ജിതേന്ദ്ര സിങിനെ മാറ്റി. പകരം സുഖ്ദേവ് ഭഗതിന് ചുമതല നല്‍കിയിട്ടുണ്ട്
മഹാരാഷ്ട്രയുടെ ചുമതലയില്‍ നിന്നും കേരളത്തിലെ ആഭ്യന്തരമന്ത്രി കൂടിയായ രമേശ് ചെന്നിത്തലയെ മാറ്റി. പകരം സിരിവെല്ല പ്രസാദ് ആണ് മഹാരാഷ്ട്രയുടെ ചുമതലക്കാരന്‍. ആന്ധ്രപ്രദേശിന്റെ ചുമതലയില്‍ നിന്നും മാണിക്കം ടാഗോറിനെയും മാറ്റി. പി വി മോഹനന് ആണ് പകരം ചുമതല നല്‍കിയിരിക്കുന്നത്. എഐസിസി ജനറല്‍ സെക്രട്ടറി കെ സി വേണുഗോപാലാണ് ചുമതല മാറ്റം അറിയിച്ചുകൊണ്ടുള്ള കുറിപ്പ് പുറത്തു വിട്ടത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.