മുംബൈ: കണ്ണൂര്‍ വിമാനത്താവളം ഓഹരി സാമ്പത്തിക തട്ടിപ്പ് കേസില്‍ പാലാ എംഎല്‍എ മാണി സി കാപ്പന് ഒരു വര്‍ഷം തടവും 1.20 കോടി രൂപ പിഴയും ശിക്ഷ വിധിച്ച്‌ മുംബൈ ബോറിവലി മജിസ്ട്രേറ്റ് കോടതി. മുംബൈ വ്യവസായി ദിനേശ് മേനോന്‍ നല്‍കിയ പരാതിയിലാണ് കോടതി നടപടി.
കോടതി വിധിക്കെതിരെ അപ്പീല്‍ പോകുമെന്ന് മാണി സി കാപ്പന് പ്രതികരിച്ചു. തന്റെ ഭാഗം കേള്‍ക്കാതെയാണ് കോടതി വിധി പുറപ്പെടുവിച്ചതെന്നാണ് അദ്ദേഹത്തിന്റെ ആരോപണം. കേസ് ഇന്ന് വാദത്തിനായി പരിഗണിക്കാനിരുന്നതാണെന്നും താന്‍ കോടതിയില്‍ ഹാജരായിരുന്നില്ലെന്നും മാണി സി കാപ്പന് പറഞ്ഞു. '
ഞാന്‍ ഹാജരാകാതെ എങ്ങനെ വിധി പറയാനാകും?' എന്നും അദ്ദേഹം ചോദിച്ചു. കേസ് തനിക്കെതിരായ ഗൂഢാലോചനയുടെ ഭാഗമാണെന്നാണ് മാണി സി കാപ്പന്റെ വാദം. പരാതിക്കാരന് പണം നല്‍കാനില്ലെന്നും അദ്ദേഹം വ്യക്തമാക്കി.
തനിക്ക് ലഭിക്കാനിരിക്കുന്ന ഒരു പദവി തടയുക എന്ന ലക്ഷ്യത്തോടെയാണ് കേസിന് പിന്നിലെ നീക്കങ്ങളെന്നും മാണി സി കാപ്പന് ആരോപിച്ചു. അതേസമയം, കേസിലെ കോടതി വിധിയും അതിനെതിരായ എംഎല്‍എയുടെ പ്രതികരണവും നിയമപരമായ തുടര്‍നടപടികള്‍ക്ക് വഴിയൊരുക്കിയിരിക്കുകയാണ്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.