സംസ്ഥാനത്ത് നിർമ്മാണം പൂർത്തിയായി ഗതാഗതത്തിന് തുറന്നുകൊടുത്ത ആറുവരി ദേശീയപാതയിലെ സ്ട്രെച്ചുകളിലൂടെയുള്ള സ്റ്റേജ് കാര്യേജ് ബസുകളുടെ സർവീസുകൾക്ക് കർശന നിയന്ത്രണമേർപ്പെടുത്തി മോട്ടോർ വാഹന വകുപ്പ് (MVD).
സ്റ്റേജ് കാര്യേജ് ബസുകൾ ആറുവരി പാതയിലൂടെ പോകുന്നതും യാത്രക്കാരെ ഹൈവേയിൽ ഇറക്കിവിടുന്നതും ശ്രദ്ധയിൽപ്പെട്ടതിനെ തുടർന്നാണ് അധികൃതർ കർശന മുന്നറിയിപ്പ് നൽകിയത്.
ആറുവരിപ്പാതയിൽ യാത്രക്കാരെ ഇറക്കിവിടുന്നത് മൂലം സ്ത്രീകളും കുട്ടികളും മുതിർന്ന പൗരന്മാരും ഉൾപ്പെടെയുള്ളവർ പുറത്തെത്താൻ കിലോമീറ്ററുകളോളം നടക്കേണ്ടി വരുന്നുവെന്ന വ്യാപകമായ പരാതികളുടെ അടിസ്ഥാനത്തിലാണ് വകുപ്പിന്റെ ഇടപെടൽ. ഇത് യാത്രക്കാർക്ക് കടുത്ത ദുരിതവും സുരക്ഷാഭീഷണിയും സൃഷ്ടിക്കുന്നുണ്ട്.
ആറുവരി ദേശീയപാതയിൽ ഒരിടത്തും വാഹനങ്ങൾ നിർത്തിയിടാനോ ബസ് സ്റ്റോപ്പുകൾ സ്ഥാപിക്കാനോ അനുമതിയില്ലെന്ന് മോട്ടോർ വാഹന വകുപ്പ് വ്യക്തമാക്കി. അതിനാൽ സ്റ്റേജ് കാര്യേജ് ബസുകൾ നിർബന്ധമായും സർവീസ് റോഡുകൾ വഴി മാത്രമേ സർവീസ് നടത്താവൂ. സർവീസ് റോഡുകൾ ഒഴിവാക്കി ആറുവരി പാതയിലൂടെ സർവീസ് നടത്തുന്നതും യാത്രക്കാരെ പെരുവഴിയിൽ ഇറക്കിവിടുന്നതുമായ വാഹനങ്ങൾക്കെതിരെ ശക്തമായ നിയമനടപടികൾ സ്വീകരിക്കുമെന്ന് അധികൃതർ അറിയിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.