അയൽവീട്ടിൽ ഉറങ്ങാൻ പോയതിനിടയിൽ അപകടം: കൊച്ചിയില്‍ പാമ്പുകടിയേറ്റ് വീട്ടമ്മയ്ക്ക് ദാരുണാന്ത്യം,

കൊച്ചി: കൊച്ചി എടവനക്കാട് പാമ്പ് കടിയേറ്റ് വീട്ടമ്മ മരിച്ചു. അണിയല്‍ മാർക്കറ്റിന് സമീപം കോഴിപ്പറമ്പില്‍ വീട്ടില്‍ സജീവന്റെ ഭാര്യ ബിന്ദു ആണ് മരിച്ചത്.

50വയസ്സായിരുന്നു. ഇന്നലെ രാത്രിയാണ് സംഭവം. ഭർത്താവ് ജോലി ആവശ്യത്തിനായി പുറത്ത് പോയതിനാല്‍ ബിന്ദു രാത്രി അയല്‍വീട്ടിലേക്ക് ഉറങ്ങാനായി പോയിരുന്നു. ഇവിടെ എത്തി അയല്‍ വീട്ടുകാരോട് കാലിന് വേദനയുണ്ടെന്ന് പറഞ്ഞതോടെ ആശുപത്രിയിലെത്തിച്ചെങ്കിലും മരിച്ചിരുന്നു. അണലി ആണ് കടിച്ചതെന്നാണ് നിഗമനം. മുരുക്കുംപാടം പൊതുശ്മാശാനത്തില്‍ സംസ്കാര ചടങ്ങുകള്‍ നടക്കും.