തിരുവനന്തപുരം: മാസപ്പടി കേസിൽ പിണറായി വിജയൻ, മുഹമ്മദ് റിയാസ്, വീണ ടി എന്നിവർക്കെതിരെയുള്ള അന്വേഷണത്തിനായി പ്രത്യേക അന്വേഷണ സംഘത്തെ (SIT) രൂപീകരിച്ചുകൊണ്ടുള്ള ഉത്തരവ് ഇന്ന് പുറത്തിറങ്ങും.
ഇഡിയുടെ കണ്ടെത്തലുകളിൽ നിന്ന് ആരംഭിക്കുന്ന അന്വേഷണം പ്രധാനമായും ഹവാല ഇടപാടുകളിലാണ് ശ്രദ്ധ കേന്ദ്രീകരിക്കുക. വിജിലൻസിന് ഹവാല ഇടപാടുകൾ അന്വേഷിക്കാൻ പരിമിതികളുള്ളതിനാലാണ് ക്രൈംബ്രാഞ്ച് അന്വേഷണത്തിനായി പ്രത്യേക സംഘത്തെ നിയോഗിക്കുന്നത്. 30 ദിവസത്തിനകം പ്രാഥമിക അന്വേഷണം പൂർത്തിയാക്കാനാണ് ലക്ഷ്യമിടുന്നത്.
പിണറായി വിജയനെതിരെ അഴിമതി തടയൽ നിയമപ്രകാരം കേസെടുത്ത് അന്വേഷിക്കാമെന്നായിരുന്നു എജിയുടെയും ഡിജിപിയുടെയും നിയമോപദേശം. എന്നാൽ നേരിട്ട് എഫ്ഐആർ രജിസ്റ്റർ ചെയ്താൽ പ്രതികൾ കോടതിയെ സമീപിച്ചേക്കാവുന്ന നിയമപരമായ തിരിച്ചടികൾ ഒഴിവാക്കാനാണ് എസ്ഐടി അന്വേഷണമെന്ന തീരുമാനത്തിലേക്ക് സർക്കാർ എത്തിയത്. മുഖ്യമന്ത്രിയും ആഭ്യന്തരമന്ത്രിയും തമ്മിലുള്ള കൂടിക്കാഴ്ചയ്ക്ക് ശേഷമാണ് ഈ നിർണ്ണായക നയപരമായ തീരുമാനമെടുത്തത്.
മുൻകാലങ്ങളിൽ കേരള രാഷ്ട്രീയത്തെ പിടിച്ചുകുലുക്കിയ മാസപ്പടി വിവാദത്തിൽ, ഇഡി കത്ത് നൽകി 15 ദിവസത്തിന് ശേഷമാണ് സർക്കാർ ഔദ്യോഗിക നടപടികളിലേക്ക് കടന്നത്. 30 ദിവസത്തിനുള്ളിൽ പ്രാഥമിക അന്വേഷണം പൂർത്തിയാക്കി കേസെടുക്കുന്നത് ഉൾപ്പെടെയുള്ള തുടർ നടപടികളിലേക്ക് സംഘം കടക്കും. അനധികൃത സ്വത്ത് സമ്പാദനം കണ്ടെത്തുന്ന പക്ഷം പ്രത്യേക വിജിലൻസ് കേസെടുക്കണമെന്ന ശുപാർശയും ഡിജിപി സർക്കാരിന് സമർപ്പിച്ചിട്ടുണ്ട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.