മുംബൈ: മുൻ ഇന്ത്യൻ ക്രിക്കറ്റ് താരം വിനോദ് കാംബ്ലിയുടെ ആരോഗ്യനിലയില് വീണ്ടും ആശങ്കയിലായിരിക്കുകയാണ് ക്രിക്കറ്റ് ലോകം.
വയോജന കേന്ദ്രത്തിലെ ശുചിത്വത്തെയും സൗകര്യങ്ങളെയും പ്രശംസിച്ച് കാംബ്ലി സംസാരിക്കുന്ന വീഡിയോയാണ് വൈറലായിരിക്കുന്നത്. വയോജന കേന്ദ്രത്തിലെ ജീവിതം സ്വന്തം വീട്ടിലെന്ന പോലെ അനുഭവപ്പെടുന്നുണ്ടെന്ന് അദ്ദേഹം വീഡിയോയില് വ്യക്തമാക്കുന്നുണ്ടെങ്കിലും, വ്യക്തമായി സംസാരിക്കാൻ പോലും പ്രയാസപ്പെടുന്ന കാംബ്ലിയുടെ ശാരീരികാവസ്ഥയാണ് ആരാധകരെ ആശങ്കയിലാഴ്ത്തുന്നത്.
54-കാരനായ കാംബ്ലി കഴിഞ്ഞ കുറച്ചുകാലമായി കടുത്ത ആരോഗ്യപ്രശ്നങ്ങള് നേരിടുകയാണ്. കാംബ്ലിയുടെ തലച്ചോറില് രക്തക്കട്ട പിടിച്ചിട്ടുണ്ടെന്നും ഇതുമൂലം അദ്ദേഹത്തിന് ഓർമ്മക്കുറവുണ്ടെന്നും സുഹൃത്തും മുൻ ഫസ്റ്റ് ക്ലാസ് അമ്പയറുമായ മാർക്കസ് കുട്ടോ വെളിപ്പെടുത്തിയിരുന്നു.
സംഭവങ്ങള് പെട്ടെന്ന് മറന്നുപോകുന്ന അവസ്ഥയാണെന്നും പുകവലി വൻ ആരോഗ്യപ്രതിസന്ധി സൃഷ്ടിക്കുമെന്ന് ഡോക്ടർമാർ മുന്നറിയിപ്പ് നല്കിയിട്ടുണ്ടെന്നും അദ്ദേഹം പറഞ്ഞിരുന്നു.
എന്നാല് കാംബ്ലിയുടെ ഭാര്യ ആന്ദ്രിയ ഹെവിറ്റ് ഈ വാർത്ത നിഷേധിച്ച് രംഗത്തെത്തിയിരുന്നു. കാംബ്ലിയുടെ ആരോഗ്യനില തൃപ്തികരമാണെന്നും തെറ്റായ വിവരങ്ങളാണ് പ്രചരിക്കുന്നതെന്നുമാണ് ആന്ദ്രിയ വ്യക്തമാക്കിയത്.
ഇന്ത്യൻ ക്രിക്കറ്റില് ഏറെ പ്രതീക്ഷയോടെ ഉയർന്നുവന്ന അത്ഭുത പ്രതിഭയായിരുന്നു ബാറ്റിംഗ് ഇതിഹാസം സച്ചിന് ടെന്ഡുല്ക്കറുടെ കളിക്കൂട്ടുകാരന് കൂടിയായി വിനോദ് കാംബ്ലി. എന്നാല് കരിയറിലെ മികച്ച തുടക്കത്തിന് ശേഷം പ്രതീക്ഷിച്ച ഉയരങ്ങളിലേക്ക് അദ്ദേഹത്തിന് എത്താൻ സാധിച്ചില്ല. ഇന്ത്യയ്ക്കായി 17 ടെസ്റ്റുകളും 104 ഏകദിനങ്ങളും കളിച്ച താരം 2000-ലാണ് അന്താരാഷ്ട്ര ക്രിക്കറ്റില് നിന്ന് വിരമിച്ചത്
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.