ടെഹ്റാൻ: അമേരിക്ക യുദ്ധം പുനരാരംഭിച്ചാല്‍ ശക്തമായി നേരിടാൻ ഇറാൻ പൂർണ സജ്ജമാണെന്ന് ഇറാൻ പരമോന്നത നേതാവ് മുജ്തബ ഖമനെയിയും വിദേശകാര്യമന്ത്രി അബ്ബാസ് അരഗ്ചിയും വ്യക്തമാക്കി.
ഹോർമുസ് കടലിടുക്ക് തുറക്കുന്നതിനായി ഇറാൻ മുന്നോട്ടുവെച്ച 7 ദിവസ പദ്ധതി യു എസ് പ്രസിഡന്റ് ഡോണള്ഡ് ട്രംപ് തള്ളിയതിന് പിന്നാലെയാണ് ഇറാന്റെ ഭാഗത്തുനിന്ന് രൂക്ഷമായ പ്രതികരണമുണ്ടായത്.
സമാധാന പ്രതീക്ഷ പങ്കുവച്ച്‌ ട്രംപ്
അതേസമയം സമാധാന ചർച്ചകള്‍ നടക്കുമെന്ന പ്രതീക്ഷ പങ്കുവച്ച്‌ ട്രംപും രംഗത്തെത്തി. ഈ ആഴ്ച ഇറാനുമായി കൂടുതല്‍ ചർച്ചകള്‍ നടന്നേക്കുമെന്ന് ട്രംപ് മാധ്യമങ്ങളോട് പ്രതികരിച്ചു. ഇറാൻ - അമേരിക്ക യുദ്ധത്തില്‍ മധ്യസ്ഥർ വഴിയുള്ള ചർച്ച ഇന്നോ നാളെയോ നടന്നേക്കുമെന്നും സൂചനകളുണ്ട്.
വിവിധ അന്താരാഷ്ട്ര മാധ്യമങ്ങളാണ് ഇക്കാര്യം റിപ്പോർട്ട് ചെയ്തത്. അതേസമയം പശ്ചിമേഷ്യൻ മേഖലയിലെ സംഘർഷങ്ങള്‍ രൂക്ഷമായി തുടരുന്ന സാഹചര്യത്തില്‍ അന്താരാഷ്ട്ര വിപണിയില്‍ ഇന്ധനവില വീണ്ടും കുതിച്ചുയർന്നു. ബ്രെന്റ് ക്രൂഡ് ഓയില്‍ വില ഒരു ശതമാനത്തിലധികം വർധിച്ച്‌ ബാരലിന് 105.64 ഡോളറിലെത്തിയിട്ടുണ്ട്.
ഓഹരി വിപണികള്‍ കൂപ്പുകുത്തി
അതേസമയം പശ്ചിമേഷ്യൻ സംഘർഷ ഭീതിയില്‍ തകർന്നടിഞ്ഞിരിക്കുകയാണ് ഇന്ത്യൻ ഓഹരിവിപണി. സെൻസെക്സ് ആറ് മാസത്തിനിടെയുളള താഴ്ന്ന നിലവാരമായ 72771 ല്‍ വ്യാപാരം അവസാനിപ്പിച്ചു. ഇന്ന് മാത്രം സെൻസെക്സ് 1124 പോയിന്റും നിഫ്റ്റി 360 പോയിന്റും ഇടിഞ്ഞു. ഹോർമുസ് തുറക്കാനുളള ഇറാന്റെ സമാധാന നിർദേശങ്ങള്‍ യു എസ് പ്രസിഡന്റ് ഡോണള്ഡ് ട്രംപ് തളളിയതിന് പിന്നാലെ ബ്രെന്റ് ക്രൂഡ് ഓയില്‍ വില ഉയർന്നിരുന്നു.
ഇതോടെ ഡോളറിനെതിരെ രൂപയുടെ മൂല്യം 20 പൈസ ഇടിഞ്ഞ് 95.95 എന്ന നിലയിലെത്തി. യു എസ് ബോണ്ട് യീല്‍ഡ് നിരക്ക് ഉയർന്ന് നില്‍ക്കുന്നതിനാല്‍ വിദേശ നിക്ഷേപകർ വിപണിയില്‍ വിറ്റഴിക്കല്‍ തുടരുകയാണ്. ഇന്ന് മാത്രം നിക്ഷേപകർക്ക് 8 ലക്ഷം കോടി രൂപയുടെ നഷ്ടമാണുണ്ടായത്. ഫിനാൻസ്, മെറ്റല്‍, റിയലിറ്റി സെക്ടറുകളാണ് ഏറ്റവും തകർച്ച നേരിടുന്നത്. ഏഷ്യൻ വിപണികളെല്ലാം നഷ്ടത്തിലാണ് വ്യാപാരം അവസാനിപ്പിച്ചത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.