തൃശ്ശൂർ: തൃശ്ശൂരിലെ കോണ്ഗ്രസ് നേതൃത്വത്തോടും പ്രവർത്തകരോടും തനിക്ക് പിണക്കമുണ്ടെന്ന് മുഖ്യമന്ത്രി വി.ഡി. സതീശൻ. എന്നാല് ഈ പിണക്കം കൊണ്ടല്ല താൻ തൃശ്ശൂരിലേക്ക് വരാതിരുന്നതെന്നും അദ്ദേഹം വ്യക്തമാക്കി.
എറണാകുളത്തെ 14-ല് 14 സീറ്റും ജയിക്കുമെന്ന് തൃശ്ശൂർ ഡി.സി.സിയില് വെച്ച് പ്രഖ്യാപിച്ചത് ഇവിടുത്തെ കോണ്ഗ്രസ് പ്രവർത്തകരെ പ്രകോപിപ്പിക്കാനായിരുന്നു. എന്നാല് അവർ പ്രകോപിതരായിട്ടില്ലെന്നും അദ്ദേഹം കൂട്ടിച്ചേർത്തു.
അഞ്ചുവർഷത്തിനുശേഷം നടക്കുന്ന അടുത്ത നിയമസഭാ തിരഞ്ഞെടുപ്പില് 110 സീറ്റുകളോടെ യു.ഡി.എഫ് വീണ്ടും അധികാരത്തില് വരുമെന്ന് സതീശൻ ആത്മവിശ്വാസം പ്രകടിപ്പിച്ചു. എന്നാല് അന്ന് തൃശ്ശൂരിലെ നിലവിലെ സ്ഥിതിയാകരുത് ഉണ്ടാകേണ്ടത്. ജില്ലയിലെ 13 സീറ്റുകളും അടുത്ത തവണ നേടണം.
കോണ്ഗ്രസുകാർ ഒരൊറ്റ ടീമായി നിന്ന് പ്രവർത്തിച്ചുവെന്ന് ബോധ്യപ്പെടുകയും 13 സീറ്റും വിജയിക്കുകയും ചെയ്താല് മാത്രമേ തന്റെ പിണക്കം മാറുകയുള്ളൂവെന്ന് അദ്ദേഹം പറഞ്ഞു. നിലവില് നാല് സീറ്റുകളില് മാത്രമേ ജയിക്കാൻ സാധിച്ചുള്ളൂ എങ്കിലും തൃശ്ശൂർ ജില്ലയോട് സർക്കാർ യാതൊരുവിധ അവഗണനയും കാണിക്കില്ലെന്നും വി.ഡി. സതീശൻ പറഞ്ഞു. യു.ഡി.എഫ് സർക്കാരിന്റെ കൃത്യമായ കൈമുദ്രയുള്ള വികസന പദ്ധതികള് തൃശ്ശൂരില് നടപ്പിലാക്കുമെന്നും അദ്ദേഹം കൂട്ടിച്ചേർത്തു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.