തിരുവനന്തപുരം: സംസ്ഥാന പൊതുഭരണ വകുപ്പിന്റെ (ജിഎഡി) ഔദ്യോഗിക വെബ്സൈറ്റ് പാകിസ്താൻ ഹാക്കർ സംഘം ഹാക്ക് ചെയ്തു. ഞായറാഴ്ച രാവിലെയോടെയാണ് വെബ്സൈറ്റ് ഹാക്ക് ചെയ്യപ്പെട്ട വിവരം വകുപ്പ് അധികൃതരുടെ ശ്രദ്ധയിൽപ്പെടുന്നത്.
ടീം ബ്ലാക്ക്ലീറ്റ്സ്' എന്ന ഹാക്കർ സംഘമാണ് ആക്രമണത്തിന് പിന്നിലെന്നാണ് വെബ്സൈറ്റിൽ രേഖപ്പെടുത്തിയിരിക്കുന്ന കുറിപ്പിൽ അവകാശപ്പെടുന്നത്. "ഞങ്ങൾ പാകിസ്താൻ ഹാക്കർമാരാണ്, ദിവസവും നിരവധി വെബ്സൈറ്റുകൾ ഞങ്ങൾ ഹാക്ക് ചെയ്യാറുണ്ട്, ഇന്ന് നിങ്ങളുടെ ദിവസമാണ്" എന്ന തരത്തിലുള്ള മുന്നറിയിപ്പ് സന്ദേശമാണ് ഹാക്കർമാർ പേജിൽ പ്രദർശിപ്പിച്ചത്. സുരക്ഷാ ലംഘനം ശ്രദ്ധയിൽപ്പെട്ടയുടൻ തന്നെ ഹോസ്റ്റിംഗ് സേവനദാതാക്കൾ വെബ്സൈറ്റിന്റെ അക്കൗണ്ട് താല്ക്കാലികമായി സസ്പെൻഡ് ചെയ്തു.
വെബ്സൈറ്റിൽനിന്ന് പ്രധാനപ്പെട്ട സർക്കാർ രേഖകളോ വിവരങ്ങളോ ചോർന്നിട്ടുണ്ടോ എന്ന കാര്യം സൈബർ സുരക്ഷാ വിദഗ്ദ്ധരുടെ സംഘം വിശദമായി പരിശോധിച്ച് വരികയാണ്. സുരക്ഷാ മാനദണ്ഡങ്ങൾ പൂർണ്ണമായും ഉറപ്പുവരുത്തിയ ശേഷം മാത്രമേ വെബ്സൈറ്റിന്റെ പ്രവർത്തനം പുനഃസ്ഥാപിക്കുകയുള്ളൂവെന്ന് വകുപ്പ് ഉദ്യോഗസ്ഥർ വ്യക്തമാക്കി.
സംഭവത്തിൽ വിശദമായ അന്വേഷണം ആവശ്യപ്പെട്ട് പൊതുഭരണ വകുപ്പ് സൈബർ പൊലീസിന് ഔദ്യോഗികമായി പരാതി നൽകും. കേരള സ്റ്റേറ്റ് ഐടി മിഷന്റെ കീഴിലാണ് സംസ്ഥാന സർക്കാരിന്റെ സുപ്രധാന വെബ്സൈറ്റുകളും ഇ-ഗവേണൻസ് സംവിധാനങ്ങളും പ്രവർത്തിക്കുന്നത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.