കാണാതായ നാലര വയസ്സുകാരന്റെ മൃതദേഹം ആളൊഴിഞ്ഞ വീട്ടിലെ കിണറ്റില്‍, അന്വേഷണം,

തിരുവനന്തപുരം: ബാലരാമപുരത്ത് നാലര വയസ്സുകാരനെ കിണറ്റില്‍ മരിച്ചനിലയില്‍ കണ്ടെത്തി. കോട്ടുകാല്‍ക്കോണം വാറുവിളാകത്ത് വീട്ടില്‍ ദിലീപ്-ശ്രുതി ദമ്പതികളുടെ മകൻ ദീപക്കാണ് മരിച്ചത് 

കഴിഞ്ഞ ദിവസം വൈകുന്നേരം മുതല്‍ കുട്ടിയെ കാണാതായതിനെ തുടർന്ന് വീട്ടുകാരും നാട്ടുകാരും തിരച്ചില്‍ നടത്തിയിരുന്നു. തുടർന്ന് ആറുമണിയോടെ ബാലരാമപുരം പോലീസില്‍ വിവരം അറിയിച്ചു. പോലീസ് നടത്തിയ പരിശോധനയ്ക്കിടെയാണ് സമീപത്തെ ആളൊഴിഞ്ഞ വീടിന്റെ കിണറ്റില്‍ കുട്ടിയെ കണ്ടെത്തിയത്.

ഫയർഫോഴ്സിന്റെ സഹായത്തോടെ കുട്ടിയെ കിണറ്റില്‍നിന്ന് പുറത്തെടുത്തെങ്കിലും ജീവൻ രക്ഷിക്കാനായില്ല. മൃതദേഹം നെയ്യാറ്റിൻകര ജനറല്‍ ആശുപത്രി മോർച്ചറിയിലേക്ക് മാറ്റി. സംഭവത്തില്‍ ബാലരാമപുരം പോലീസ് അന്വേഷണം ആരംഭിച്ചിട്ടുണ്ട്.