കോഴിക്കോട്: പന്തീരാങ്കാവിൽ നിന്ന് ഒരു കിലോ എംഡിഎംഎ പിടികൂടിയ കേസിന്റെ തുടരന്വേഷണത്തിൽ പ്രധാന കണ്ണികളായ രണ്ടു മലയാളികളെ ഡൽഹിക്കടുത്തുള്ള നോയിഡയിലെ താമസസ്ഥലത്തുനിന്ന് പോലീസ് അറസ്റ്റ് ചെയ്തു. മലപ്പുറം നിലമ്പൂർ സ്വദേശി സി. അജ്മൽ (32), തിരുവനന്തപുരം മലയിൻകീഴ് സ്വദേശിനിയും നഴ്സിങ് വിദ്യാർഥിയുമായ പി. സൂര്യ (23) എന്നിവരാണ് പിടിയിലായത്.
പ്രതികൾ താമസിച്ചിരുന്ന ഫ്ലാറ്റിൽ നിന്ന് ലഹരിമരുന്ന് വിതരണത്തിനായി ഉപയോഗിച്ചിരുന്ന വൻ സന്നാഹങ്ങളാണ് അന്വേഷണ സംഘം പിടിച്ചെടുത്തത്. ലഹരിമരുന്ന് ചെറിയ അളവുകളിൽ പാക്ക് ചെയ്യാൻ ഉപയോഗിക്കുന്ന ഡിജിറ്റൽ സ്കെയിൽ, പാക്കിങ് സീലർ, 5000-ത്തിലധികം സിപ് ലോക്ക് കവറുകൾ, ലഹരിപ്പണം എണ്ണാനുള്ള നോട്ട് കൗണ്ടിങ് മെഷീൻ, ഒട്ടേറെ എടിഎം കാർഡുകൾ എന്നിവ മുറിയിൽ നിന്ന് കണ്ടെടുത്തു.
ഡൽഹി കേന്ദ്രീകരിച്ച് വൻതോതിൽ ലഹരിമരുന്ന് ശേഖരിച്ച് കേരളത്തിലേക്ക് കടത്തുന്ന സംഘത്തിലെ പ്രധാനികളാണ് ഇരുവരുമെന്ന് പോലീസ് പറഞ്ഞു. പന്തീരാങ്കാവ് ഇൻസ്പെക്ടർ എ. നിതിൻ, എസ്.ഐ അർജുൻ അജിത് എന്നിവരുടെ നേതൃത്വത്തിലുള്ള ഫറോക്ക് എസിപി സ്ക്വാഡും ഡാൻസാഫും (DANSAF) ചേർന്നാണ് നോയിഡയിൽ റെയ്ഡ് ನಡೆത്തി പ്രതികളെ വലയിലാക്കിയത്. പ്രതികളെ നാട്ടിലെത്തിച്ച് കോടതിയിൽ ഹാജരാക്കി മേൽനടപടികൾ സ്വീകരിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.