ലേ: ലഡാക്കിലെ കർഷകരുടെ ജലക്ഷാമത്തിന് പരിഹാരമായും തന്ത്രപ്രധാനമായ നീക്കമായും സിന്ധു നദിക്ക് കുറുകെ ഇന്ത്യയുടെ ആദ്യത്തെ റോക്ക് ചെക്ക് ഡാം യാഥാർത്ഥ്യമായി. ലേ ജില്ലയിലെ ഉപ്ഷിയിലാണ് സിന്ധു നദിക്ക് കുറുകെ സ്വാഭാവിക പാറക്കെട്ടുകൾ മാത്രം ഉപയോഗിച്ച് കോൺക്രീറ്റ് മിശ്രിതങ്ങളുടെ സഹായമില്ലാതെ രാജ്യത്തിന്റെ ആദ്യ തടയണ നിർമ്മിച്ചിരിക്കുന്നത്.
ലഡാക്കിലെ കാർഷിക മേഖലയ്ക്ക് വലിയ ഉണർവ്വ് നൽകുന്നതാണ് ഈ പദ്ധതി. വസന്തകാലത്ത് നദിയിൽ ജലനിരപ്പ് വളരെ താഴുന്നതുമൂലം കൃഷിയിടങ്ങളിലേക്ക് വെള്ളം എത്തിക്കാൻ കർഷകർ ഏറെ ബുദ്ധിമുട്ടിയിരുന്നു. ഈ തടയണ നിർമ്മിച്ചതോടെ നദിയിലെ ജലനിരപ്പ് ഏകദേശം 10 അടിയോളം ഉയർത്താൻ സാധിച്ചു. ഇതുവഴി ഏകദേശം 40 ദശലക്ഷം ലിറ്റർ വെള്ളം സംഭരിക്കാനും ഇഗോ ഫേ കനാൽ വഴി വരണ്ട കൃഷിയിടങ്ങളിലേക്ക് വെള്ളം എത്തിക്കാനും സാധിക്കുന്നുണ്ട്.
ഭൂമിശാസ്ത്രപരമായും നയതന്ത്രപരമായും ഏറെ പ്രാധാന്യമുള്ളതാണ് ഈ നിർമ്മാണം. അതിർത്തി മേഖലകളിൽ ജലസുരക്ഷ ഉറപ്പാക്കുന്നതിനൊപ്പം സിന്ധു നദീജലം സ്വന്തം ആവശ്യങ്ങൾക്കായി പരമാവധി പ്രയോജനപ്പെടുത്തുന്നതിന്റെ ഭാഗമായാണ് ഇന്ത്യ ഈ സുപ്രധാന ചുവടുവെപ്പ് നടത്തിയിരിക്കുന്നത്. ലഡാക്ക് ഭരണകൂടത്തിന്റെ ജലസംരക്ഷണ പദ്ധതിയുടെ ഭാഗമായി സമാനമായ രീതിയിൽ കൂടുതൽ തടയണകൾ നിർമ്മിക്കാൻ ലക്ഷ്യമിട്ടുള്ള പ്രൊപ്പോസലുകൾ കേന്ദ്ര ജൽശക്തി മന്ത്രാലയത്തിന് സമർപ്പിച്ചിട്ടുണ്ട്. മേഖലയിലെ കാർഷിക മേഖലയ്ക്ക് പുതിയ ദിശാബോധം നൽകുന്ന പദ്ധതിയെ കർഷകരും ഏറെ പ്രതീക്ഷയോടെയാണ് നോക്കിക്കാണുന്നത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.