ഡൽഹി: ആകാശത്തു പറന്നുകൊണ്ടിരുന്ന വിമാനത്തിനുള്ളിൽ യാത്രക്കാർ തമ്മിൽ നടുക്കുന്ന ഏറ്റുമുട്ടൽ. ലണ്ടനിൽ നിന്ന് ബംഗ്ലാദേശിലേക്ക് വരികയായിരുന്ന ബിമാൻ ബംഗ്ലാദേശ് എയർലൈൻസ് (Biman Bangladesh Airlines) വിമാനത്തിലാണ് രണ്ട് യാത്രികർ തമ്മിൽ കയ്യാങ്കളിയുണ്ടായത്. സംഭവത്തിന്റെ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിക്കുകയാണ്.
വിമാനത്തിനുള്ളിൽ ഇവർ തമ്മിലുണ്ടായ വാക്കുതർക്കം പെട്ടെന്ന് കയ്യാങ്കളിയിലേക്ക് വഴിമാറുകയായിരുന്നു. യാത്രക്കാർ പരസ്പരം മുഖത്തടിക്കുകയും ഉന്തും തള്ളുമുണ്ടാക്കുകയും ചെയ്യുന്ന ദൃശ്യങ്ങൾ വീഡിയോയിൽ വ്യക്തമാണ്. അടിപിടിക്കിടെ ഒരാളുടെ ടി ഷർട്ട് പൂർണ്ണമായും കീറിപ്പറിഞ്ഞു. കുട്ടികളും സ്ത്രീകളും ഉൾപ്പെടെയുള്ള മറ്റ് യാത്രക്കാർ ഭയന്നുവിറച്ച നിലയിലാണ് വിമാനത്തിനുള്ളിൽ അഭയം തേടിയത്.
സംഭവം കണ്ട് പരിഭ്രാന്തരായ സഹയാത്രികരും വിമാന ജീവനക്കാരും (Cabin Crew) ഇടപെട്ടാണ് ഒടുവിൽ ഇരുവരേയും പിടിച്ചുമാറ്റിയത്. വിമാനത്തിൽ സംഘർഷാവസ്ഥ സൃഷ്ടിച്ച യാത്രികർക്കെതിരെ എന്ത് നടപടിയാണ് സ്വീകരിച്ചത് എന്നത് സംബന്ധിച്ച ഔദ്യോഗിക വിവരങ്ങൾ ഉടൻ ലഭ്യമായിട്ടില്ല. എന്താണ് തർക്കത്തിന് കാരണമെന്നതിനെക്കുറിച്ചും വ്യക്തത വന്നിട്ടില്ലെങ്കിലും ഇൻ-ഫ്ലൈറ്റ് സുരക്ഷയെക്കുറിച്ചുള്ള ആശങ്കകൾക്ക് ഈ സംഭവം വീണ്ടും വഴിവെച്ചിരിക്കുകയാണ്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.