ന്യൂഡൽഹി: വിവാഹം കഴിഞ്ഞ് ഏതാനും ദിവസങ്ങൾ മാത്രം പിന്നിടുമ്പോൾ യുഎസിൽ ഹൈദരാബാദ് സ്വദേശിയായ യുവാവിനെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. സിവിൽ എൻജിനീയറായി ജോലി ചെയ്തുവന്ന മുഹമ്മദ് ജാബർ ഹുസൈൻ (28) ആണ് മസാച്ചുസെറ്റ്സിലെ ലോവലിലുള്ള തന്റെ വസതിയിൽ മരണപ്പെട്ടത്.
കഴിഞ്ഞ ഓഗസ്റ്റ് 28-നാണ് ടെക്സാസിൽ വെച്ച് മുഹമ്മദ് ജാബറിന്റെ വിവാഹം നടന്നത്. വിവാഹച്ചടങ്ങുകൾക്ക് ശേഷം മസാച്ചുസെറ്റ്സിലേക്ക് മടങ്ങിയ ജാബർ, സെപ്റ്റംബർ 14-നാണ് അവസാനമായി കുടുംബവുമായി സംസാരിച്ചത്. ഇതിനുശേഷം ഏകദേശം എട്ട് മണിക്കൂറിനുള്ളിൽ മകൻ മരിച്ചുവെന്ന വിവരം അദ്ദേഹത്തിന്റെ റൂംമേറ്റാണ് കുടുംബാംഗങ്ങളെ ഫോണിൽ വിളിച്ചറിയിച്ചത്. അപ്രതീക്ഷിതമായി എത്തിയ ഈ വിയോഗ വാർത്തയുടെ നടുക്കത്തിലാണ് കുടുംബം.
യൂണിവേഴ്സിറ്റി ഓഫ് ന്യൂ ഹെവനിൽ നിന്ന് സിവിൽ എൻജിനീയറിങ്ങിൽ ഉപരിപഠനം പൂർത്തിയാക്കിയ ജാബർ, തുടർന്ന് യുഎസിൽ തന്നെ ജോലിയിൽ പ്രവേശിക്കുകയായിരുന്നു. മരണത്തിൽ ദുരൂഹതയാരോപിക്കുന്ന കുടുംബം, മൃതദേഹം എത്രയും പെട്ടെന്ന് നാട്ടിലെത്തിക്കാനുള്ള നടപടികൾ സ്വീകരിക്കണമെന്ന് കേന്ദ്ര സർക്കാരിനോട് അഭ്യർത്ഥിച്ചു. ഇതിനായി ജാബറിന്റെ പിതാവ് മുഹമ്മദ് സാക്കിർ ഹുസൈൻ വിദേശകാര്യ മന്ത്രി എസ്. ജയശങ്കറിന് ഔദ്യോഗികമായി കത്തയച്ചിട്ടുണ്ട്. സംഭവത്തിൽ കൂടുതൽ വിവരങ്ങൾ അറിയാനായി യുഎസിലെ ഇന്ത്യൻ കോൺസുലേറ്റിന്റെയും പ്രാദേശിക പൊലീസിന്റെയും സഹായം തേടിയിരിക്കുകയാണ്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.