തെഹ്റാൻ: അമേരിക്ക ഏർപ്പെടുത്തിയ ഉപരോധം പിൻവലിക്കുകയും ഹുർമുസ് കടലിടുക്കിലെ സൈനിക നീക്കം ഒഴിവാക്കുകയും ചെയ്താൽ നാവിക പാത തുറക്കാമെന്ന് വ്യക്തമാക്കി ഇറാൻ. ഡൊണാൾഡ് ട്രംപിന് മുന്നിലാണ് ഇറാൻ പുതിയ നിർദേശം വെച്ചിരിക്കുന്നത്. ജാപ്പനീസ് വാർത്താ ഏജൻസിയായ ക്യോഡോയാണ് മുതിർന്ന ഇറാനിയൻ ഉദ്യോഗസ്ഥനെ ഉദ്ധരിച്ച് ഇക്കാര്യം റിപ്പോർട്ട് ചെയ്തത്.
അമേരിക്ക തങ്ങളുടെ തുറമുഖങ്ങൾക്കെതിരായ ഉപരോധം അവസാനിപ്പിക്കുകയും തന്ത്രപ്രധാനമായ നാവിക പാതയിലെ സൈനിക സമ്മർദം പിൻവലിക്കുകയും ചെയ്താൽ ഒരാഴ്ചയ്ക്കകം കടലിടുക്ക് തുറന്നുനൽകാമെന്നാണ് ഇറാൻ അറിയിച്ചിരിക്കുന്നത്. യു.എസ് പിന്തുണയോടെ ഇസ്രായേൽ ആരംഭിച്ച സംഘർഷം ഏഴു മാസം പിന്നിടുമ്പോൾ, സാമ്പത്തികമായും സൈനികമായും കടുത്ത തിരിച്ചടി നേരിട്ട രാജ്യങ്ങൾ പൂർണ തോതിലുള്ള യുദ്ധത്തിലേക്ക് മടങ്ങിപ്പോകാൻ ആഗ്രഹിക്കുന്നില്ലെന്ന വിലയിരുത്തലുകൾക്കിടയിലാണ് ഈ നയപരമായ മാറ്റം. ഹുർമുസ് കടലിടുക്ക് സാധാരണ നിലയിലാകാൻ അമേരിക്കൻ ഭരണകൂടം തന്നെ മുൻകൈയെടുക്കണമെന്നാണ് ഇറാന്റെ നിലപാട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.