വഡോദര: രാജ്യത്ത് വ്യാവസായിക വളർച്ചയും കണക്റ്റിവിറ്റിയും ലക്ഷ്യമിട്ട് 35,000 കോടി രൂപയിലധികം വരുന്ന വികസന പദ്ധതികൾ പ്രധാനമന്ത്രി നരേന്ദ്ര മോദി വഡോദരയിൽ ഉദ്ഘാടനം ചെയ്തു. പടിഞ്ഞാറൻ ഡെഡിക്കേറ്റഡ് ചരക്ക് ഇടനാഴിയുടെ (WDFC) നിർണായക ഭാഗങ്ങൾ ഉൾപ്പെടെയുള്ള പദ്ധതികളാണ് രാജ്യത്തിന് സമർപ്പിച്ചത്.
തുടർന്ന് നടന്ന റാലിയെ അഭിസംബോധന ചെയ്തു സംസാരിക്കവെ, കോൺഗ്രസ് നേതാവ് രാഹുൽ ഗാന്ധിക്കെതിരെ പ്രധാനമന്ത്രി കടുത്ത രാഷ്ട്രീയ വിമർശനമുന്നയിച്ചു. രാജ്യത്തെ യുവജനങ്ങളെ തെറ്റിദ്ധരിപ്പിക്കാനാണ് ചിലരുടെ ശ്രമമെന്നും 'നുണകളുടെ പെരുമഴ' തീർക്കുന്നവർക്ക് രാജ്യത്തെ ഇന്നത്തെ യുവത്വം സത്യത്തോടൊപ്പം ഉറച്ചുനിന്ന് മറുപടി നൽകുമെന്നും അദ്ദേഹം വ്യക്തമാക്കി.
ചടങ്ങിൽ വെസ്റ്റേൺ ഡെഡിക്കേറ്റഡ് ഫ്രെയ്റ്റ് കോർഡോറിന്റെ പൂർത്തീകരണവും പ്രധാനമന്ത്രി പ്രഖ്യാപിച്ചു. ഇത് മുംബൈ റെയിൽവേ നെറ്റ്‌വർക്കിലെ തിരക്ക് കുറയ്ക്കാനും ചരക്കുനീക്കം വേഗത്തിലാക്കാനും സഹായിക്കുമെന്ന് അദ്ദേഹം പറഞ്ഞു. റെയിൽവേ, റോഡ്, നഗരവികസന മേഖലകളിലെ വിവിധ പദ്ധതികൾക്കും ചടങ്ങിൽ തുടക്കമായി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.