ലണ്ടൻ: ബ്രിട്ടനിലെ അമേരിക്കൻ വ്യോമതാവളത്തിന് സമീപത്തുനിന്ന് സംശയാസ്പദമായ സാഹചര്യത്തിൽ സ്ഫോടകവസ്തുക്കൾ കണ്ടെത്തിയ സംഭവത്തിൽ അഞ്ച് പേരെ പൊലീസ് അറസ്റ്റ് ചെയ്തു. ഭീകരാക്രമണം ലക്ഷ്യമിട്ടാണ് ഇവർ എത്തിയതെന്ന സംശയത്തെ തുടർന്ന് കൗണ്ടർ ടെററിസം വിഭാഗത്തിന്റെ നേതൃത്വത്തിൽ അന്വേഷണം ഊർജിതമാക്കിയിട്ടുണ്ട്.
തെക്കൻ ഇംഗ്ലണ്ടിലെ ഗ്ലോസെസ്റ്റർഷെയറിലുള്ള (Gloucestershire) ആർ.എഫ്.ഇ ഫെയർഫോർഡ് (RAF Fairford) യു.എസ്. വ്യോമതാവളത്തിന് സമീപമാണ് സുരക്ഷാ സേന വലിയൊരു ഭീഷണി ഒഴിവാക്കിയത്. അമേരിക്കൻ സേന ഉപയോഗിക്കുന്ന ഈ താവളത്തിന് സമീപം മൂന്ന് വാഹനങ്ങളിൽ സ്ഫോടകവസ്തുക്കൾ കണ്ടെത്തിയതിനെ തുടർന്ന് അധികൃതർ 'മേജർ ഇൻസിഡന്റ്' (Major incident) പ്രഖ്യാപിക്കുകയായിരുന്നു.
സംഭവത്തെ തുടർന്ന് ബ്രിട്ടീഷ് ആർമിയുടെ ബോംബ് ഡിസ്പോസൽ സ്ക്വാഡ് സ്ഥലത്തെത്തി പരിശോധന നടത്തി. സുരക്ഷ മുൻനിർത്തി സമീപത്തെ വെൽഫോർഡ് (Whelford) ഗ്രാമത്തിലെ 85-ഓളം വീടുകളിൽ നിന്ന് ആളുകളെ ഒഴിപ്പിക്കുകയും സുരക്ഷിത കേന്ദ്രങ്ങളിലേക്ക് മാറ്റുകയും ചെയ്തു. പ്രധാന ഗേറ്റുകളിലേക്കുള്ള റോഡുകൾ സായുധ പൊലീസിന്റെ നിയന്ത്രണത്തിലാണ്.
വലിയ തോതിലുള്ള നാശനഷ്ടങ്ങൾ വരുത്താൻ ലക്ഷ്യമിട്ടാണ് പ്രതികൾ എത്തിയതെന്നും, ഇവരെ കൃത്യസമയത്ത് പിടികൂടാൻ കഴിഞ്ഞത് വലിയൊരു ദുരന്തം ഒഴിവാക്കിയെന്നും യു.എസ്. പ്രസിഡന്റ് ഡൊണാൾഡ് ട്രംപ് പ്രതികരിച്ചു. സംഭവത്തിന് പിന്നിൽ മറ്റ് ഗൂഢാലോചനകൾ ഉണ്ടോയെന്നറിയാൻ ബ്രിട്ടീഷ് പൊലീസും രഹസ്യാന്വേഷണ വിഭാഗവും സംയുക്തമായി അന്വേഷണം തുടരുകയാണ്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.