കൊല്ലം: ശക്തികുളങ്ങര ഹാർബറിലെ സെപ്റ്റിക് ടാങ്ക് വൃത്തിയാക്കുന്നതിനിടയിൽ അസ്ഥികൂടാവശിഷ്ടങ്ങൾ കണ്ടെത്തി. ടാങ്ക് വൃത്തിയാക്കുന്ന തൊഴിലാളികളാണ് അസ്ഥിക്കഷണങ്ങൾ ആദ്യം കണ്ടത്. തുടർന്ന് ഇവർ ഉടൻ തന്നെ ശക്തികുളങ്ങര പൊലീസിൽ വിവരം അറിയിക്കുകയായിരുന്നു.
പോലീസ് സ്ഥലത്തെത്തി പരിശോധന നടത്തിയപ്പോൾ അസ്ഥികൂടാവശിഷ്ടങ്ങൾ മൃഗത്തിന്റേതാണോ എന്ന സംശയം തോന്നി. തുടർന്ന് വെറ്ററിനറി സർജനെ വരുത്തി പരിശോധിച്ചപ്പോഴാണ് ഇത് മൃഗത്തിന്റേതല്ല എന്ന് തെളിഞ്ഞത്. തുടർന്ന് നടത്തിയ കൂടുതൽ തിരച്ചിലിൽ ഇവിടെ നിന്നും ഒരു തലയോട്ടിയും കണ്ടെത്തുകയുണ്ടായി.
ശാസ്ത്രീയ പരിശോധനയ്ക്ക് ശേഷമേ സംഭവവുമായി ബന്ധപ്പെട്ട കൂടുതൽ വിവരങ്ങൾ വ്യക്തമാകൂ എന്ന് അധികൃതർ അറിയിച്ചു. ആരെങ്കിലും കൊലപ്പെടുത്തിയ ശേഷം മൃതദേഹം സെപ്റ്റിക് ടാങ്കിൽ ഒളിപ്പിച്ചതാകാം എന്നാണ് പൊലീസിന്റെ പ്രാഥമിക നിഗമനം.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.