കോട്ടയം: തീക്കോയി, വാഗമൺ മലയോര മേഖലകളിൽ പെയ്ത അതിശക്തമായ മഴയെത്തുടർന്ന് വൻ ഉരുൾപൊട്ടലുണ്ടായതായി റിപ്പോർട്ട്. വഴിക്കടവിൽ ഉരുൾ പൊട്ടി, പാലായിലും പരിസര പ്രദേശങ്ങളിലും കനത്ത മഴ പെയ്തുകൊണ്ടിരിക്കുന്നു. മീനച്ചിൽ ആറ്റിൽ ജലനിരപ്പ് ഉയരുന്നു ആറിന്റെതീരത്തുള്ളവർ ജാഗ്രത പാലിക്കുക.
മലവെള്ളപ്പാച്ചിൽ കനത്തതോടെ മീനച്ചിലാറ്റിലെ ജലനിരപ്പ് അപകടകരമായ രീതിയിൽ ഉയരുന്നതിനാൽ നദീതീരങ്ങളിൽ താമസിക്കുന്നവർ അടിയന്തിരമായി ജാഗ്രത പാലിക്കണം. ഈരാറ്റുപേട്ട-വാഗമൺ റൂട്ടിൽ ചിലയിടങ്ങളിൽ ഗതാഗതം തടസ്സപ്പെട്ടു. ഉരുൾപൊട്ടലിനെത്തുടർന്ന് ഈരാറ്റുപേട്ട-വാഗമൺ റോഡിൽ പലയിടങ്ങളിലും മലവെള്ളപ്പാച്ചിലും മണ്ണൊലിപ്പും രൂക്ഷമാണ്. പ്രധാന പാതകളിലേക്ക് മണ്ണും കല്ലും ഇടിഞ്ഞുവീണതിനെ തുടർന്ന് മലയോര മേഖലകളിലേക്കുള്ള എല്ലാവിധ വിനോദസഞ്ചാര യാത്രകളിലും കൂടുതൽ ജാഗ്രത പുലർത്തണം.
പുഴകൾ കവിഞ്ഞൊഴുകുന്നു, മലയോരങ്ങളിൽ നിന്നുള്ള കുത്തൊഴുക്ക് ശക്തമായതോടെ മീനച്ചിലാറും അതിന്റെ കൈവഴികളും പലയിടങ്ങളിലും കരകവിഞ്ഞ് ഒഴുകുമെന്നതിലേയ്ക്ക് നയിക്കാം . തീരപ്രദേശങ്ങളിലുള്ളവരും ഉരുൾപൊട്ടൽ-മണ്ണൊലിപ്പ് സാധ്യതയുള്ള ജനവാസ മേഖലകളിൽ ഉള്ളവരും അധികൃതരുടെ നിർദ്ദേശങ്ങൾ അനുസരിച്ച് സുരക്ഷിത മുന്നറിയിപ്പുകൾ പാലിക്കണം.
പുഴകളിലോ തോടുകളിലോ ഇറങ്ങാനോ മീൻപിടിക്കാനോ യാതൊരു കാരണവശാലും ശ്രമിക്കരുത്. ശക്തമായ നീരൊഴുക്കുള്ള പാലങ്ങളിലൂടെയുള്ള യാത്രകൾ ഒഴിവാക്കുക. മാധ്യമങ്ങളിലൂടെ പ്രചരിക്കുന്ന വ്യാജ വാർത്തകളിൽ വഞ്ചിതരാകാതെ ഔദ്യോഗിക മുന്നറിയിപ്പുകൾ മാത്രം ശ്രദ്ധിക്കുക.അപകട സാഹചര്യങ്ങളിൽ പെടുന്നവരും സഹായം ആവശ്യമുള്ളവരും പ്രാദേശിക പോലീസ്, ഫയർഫോഴ്സ് അല്ലെങ്കിൽ ടോൾ ഫ്രീ നമ്പറായ 112 ലോ ബന്ധപ്പെടുക.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.