പുറത്തിറങ്ങാനും ഭക്ഷണം കഴിക്കാൻ പോലുമാകാതെ കടുത്തുരുത്തി നിവാസികൾ

കോട്ടയം;കടുത്തുരുത്തി പഞ്ചായത്തിലെ വിവിധ പ്രദേശങ്ങളിൽ ആഫ്രിക്കൻ ഒച്ചുകളുടെ ശല്യം രൂക്ഷമായി ജനജീവിതം ദുസ്സഹമാക്കുന്നു.

ഭക്ഷണം കഴിക്കാനോ പുറത്തിറങ്ങാനോ കഴിയാതെ ബുദ്ധിമുട്ടുന്ന ജനങ്ങൾക്ക് ഒച്ചുകളെ നശിപ്പിക്കാനോ നിയന്ത്രിക്കാനോ പഞ്ചായത്ത് ഇതുവരെ ഒരു നടപടിയും സ്വീകരിച്ചിട്ടില്ല.

മനുഷ്യരിൽ മസ്തിഷ്ക ജ്വരത്തിന് (മെനിഞ്ചൈറ്റിസ്) കാരണമാവുകയും കൃഷികൾ നശിപ്പിക്കുകയും ചെയ്യുന്ന ഒച്ചുകളെ നിയന്ത്രിക്കാൻ കോപ്പർ സൾഫേറ്റ് (തുരിശ്) സ്പ്രേ ചെയ്യണമെന്ന നാട്ടുകാരുടെ ആവശ്യം അവഗണിക്കപ്പെടുന്നു