യുഎസ് പ്രസിഡന്റിന്റെ മരുമകൻ ആലപ്പുഴയിൽ; പുന്നമട കായലിൽ ബോട്ട് യാത്ര നടത്തി

ആലപ്പുഴ: യുഎസ് പ്രസിഡന്റ് ഡോണൾഡ് ട്രംപിന്റെ മകൾ ടിഫനി ട്രംപിന്റെ ഭർത്താവ് മൈക്കിൽ ബൂലോസ് ആലപ്പുഴയിൽ. ഇന്ത്യയിലെ അമേരിക്കൻ അംബാസഡർ സെർജിയോ ഗോറും അദ്ദേഹത്തിന് ഒപ്പമുണ്ട്.

ഇവർ അടങ്ങുന്ന സംഘം പുന്നമട കായലിൽ ബോട്ട് യാത്ര നടത്താനെത്തി. 

നെഹ്‌റു ട്രോഫി വള്ളംകളിയുടെ പ്രാക്ടീസും മൈക്കിൽ ബൂലോസ് കണ്ടു. 

ചുണ്ടൻ വള്ളത്തിന്റെ ട്രാക്ക് എൻട്രി കാണുക എന്നതും ലക്ഷ്യമായിരുന്നു. സ്വകാര്യ യാത്രയാണെന്നാണ് വിവരം. ഇന്ന് വൈകിട്ടോടെ മടങ്ങും.

അമേരിക്കൻ അംബാസഡറും സംഘവും മുഖ്യമന്ത്രിയുമായി കൊച്ചിയിൽ കൂടിക്കാഴ്ച നടത്തിയിരുന്നു. സംസ്ഥാന സർക്കാരിന്റെ അതിഥിയായാണ് മൈക്കിൽ ബൂലോസ് എത്തിയത്. 

സന്ദർശനവിവരം സംസ്ഥാന സർക്കാർ പുറത്തുവിട്ടിരുന്നില്ല. സുരക്ഷാ കാരണങ്ങളാലാണ് സന്ദർശനം രഹസ്യമാക്കിയത്.