ചെറുതോണി ; മണിയാറൻകുടി മുസ്ലിം പള്ളി സിറ്റിയിൽ സ്വകാര്യ വ്യക്തിയുടെ വീടിനു സമീപം ഭൂമിക്കടിയിൽ നിന്ന് ജലം ഒഴുകുന്ന ശബ്ദം. 2018 ലെ മഹാ പ്രളയകാലത്ത് മേഖലയിൽ വലിയ ആശങ്കയ്ക്ക് ഇടയാക്കിയ സോയിൽ പൈപ്പിങ് പ്രതിഭാസമാണോ ഇതെന്ന സംശയത്തിലാണ് വീട്ടുകാരും സമീപവാസികളും.
.jpeg){kind=spacer}
ഭൂമിക്കടിയിലൂടെ ജലം ശക്തമായി ഒഴുകുന്നതിന് സമാനമായിരുന്നു ശബ്ദം. 14 വർഷം മുൻപാണ് ഇവിടെ വീട് പുതുക്കി നിർമിച്ചത്. അതിനു മുൻപും കുടുംബം ഇവിടെ തന്നെയായിരുന്നു താമസം. ഏഴ് വർഷം മുൻപ് വീടിനു മുന്നിലൂടെയുള്ള പഞ്ചായത്ത് റോഡും നവീകരിച്ച് നിർമിച്ചിരുന്നു.
ശബ്ദം കേട്ട ഭാഗത്ത് കമ്പി ഉപയോഗിച്ച് പരിശോധിച്ചപ്പോൾ ഭൂമിക്കടിയിൽ ജല സാന്നിധ്യമുണ്ടെന്നു കണ്ടെത്തി. പിന്നീട് ടോർച്ചിന്റെ വെളിച്ചത്തിൽ പരിശോധിച്ചപ്പോൾ വെള്ളം ഒഴുകുന്നതായി കാണാൻ കഴിഞ്ഞെങ്കിലും, അത് എവിടേക്കാണ് ഒഴുകിപ്പോകുന്നതെന്നു വ്യക്തമല്ലെന്നു നാട്ടുകാർ പറയുന്നു. വിഷയത്തിൽ അടിയന്തരമായി ജിയോളജി വകുപ്പ് ഇടപെട്ട് ആശങ്കകൾ പരിഹരിക്കണമെന്നു കോൺഗ്രസ് വാഴത്തോപ്പ് മണ്ഡലം പ്രസിഡന്റ് സി.പി.സലിം ആവശ്യപ്പെട്ടു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.