മെൽബൺ: ജൂലൈ എട്ടിന് ഓസ്ട്രേലിയൻ സന്ദർശനം നടത്താനിരിക്കെ പ്രധാനമന്ത്രി നരേന്ദ്ര മോദിക്ക് നേരെ വധഭീഷണി സന്ദേശം.
ഓൺലൈൻ വഴിയാണ് വധഭീഷണി വന്നിരിക്കുന്നതെന്ന് ഓസ്ട്രേലിയൻ മാധ്യമങ്ങൾ റിപ്പോർട്ട് ചെയ്തു. മെൽബണിൽ ഇന്ത്യൻ വംശജർ സംഘടിപ്പിക്കുന്ന 'മെൽബൺ മീറ്റ് മോദി' എന്ന പരിപാടിയുമായി ബന്ധപ്പെട്ട ഫേസ്ബുക്ക് പോസ്റ്റിന് താഴെ കമന്റായാണ് വധഭീഷണി പ്രത്യക്ഷപ്പെട്ടത്. "ഓസ്ട്രേലിയയിൽ വന്നാൽ മരണമായിരിക്കും ഫലം" എന്നും, ചടങ്ങ് നടക്കുന്ന സ്റ്റേഡിയം അടച്ചിടുന്നതാണ് നല്ലതെന്നും കമന്റിൽ പറയുന്നു.സംഭവത്തിൽ ഓസ്ട്രേലിയൻ ഫെഡറൽ പോലീസ് അന്വേഷണം ആരംഭിച്ചു. ഭീഷണി സന്ദേശം വന്ന ഐപി അഡ്രസ് പോലീസ് തിരിച്ചറിഞ്ഞിട്ടുണ്ട്. ഈ ഐപി അഡ്രസിന് മുമ്പ് ഏതെങ്കിലും തരത്തിലുള്ള ക്രിമിനൽ നടപടികളുമായി ബന്ധമുണ്ടോ എന്ന് പോലീസ് പരിശോധിച്ചു വരികയാണ്. സന്ദേശം അയച്ച സാഹചര്യം വിശദമായി പരിശോധിക്കുന്നുണ്ടെന്നും ഓസ്ട്രേലിയൻ മാധ്യമങ്ങൾ റിപ്പോർട്ട് ചെയ്യുന്നു.
ജൂലൈ എട്ടിന് മെൽബണിലെത്തുന്ന പ്രധാനമന്ത്രി ഇന്ത്യൻ വംശജരുമായി കൂടിക്കാഴ്ച നടത്തുമെന്നാണ് നേരത്തെ നിശ്ചയിച്ചിരുന്നത്. കൂടാതെ, ഇരു രാജ്യങ്ങളും തമ്മിലുള്ള കാർഷിക മേഖലയിലെ സഹകരണം ഉൾപ്പെടെയുള്ള സുപ്രധാന വിഷയങ്ങളിൽ ചർച്ചകൾ നടക്കാനിരിക്കെയാണ് സുരക്ഷാ ഭീഷണി ഉയർന്നിരിക്കുന്നത്. സംഭവത്തിന്റെ പശ്ചാത്തലത്തിൽ മെൽബണിൽ സുരക്ഷാ ക്രമീകരണങ്ങൾ ശക്തമാക്കിയിട്ടുണ്ട്.






.jpg)








ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.