മൂവാറ്റുപുഴയിൽ ടൂറിസ്റ്റ് ബസും നാഷണൽ പെർമിറ്റ് ലോറിയും കൂട്ടിയിടിച്ച് കുട്ടികളും സ്ത്രീകളുമടക്കം 27 പേർക്ക് പരിക്ക്;

എറണാകുളം: മൂവാറ്റുപുഴയിൽ പുലർച്ചെയുണ്ടായ വാഹനാപകടത്തിൽ കുട്ടികളും സ്ത്രീകളുമടക്കം 27 പേർക്ക് പരിക്കേറ്റു.  

ആലപ്പുഴയിലേക്ക് പോയ ടൂറിസ്റ്റ് ബസാണ് അപകടത്തിൽപെട്ടത്. ഇന്ന് പുലർച്ചെ നാല് മണിയോടെയാണ് അപകടം. മൂന്നാറിൽ നിന്ന് ആലപ്പുഴയിലേക്ക് പോകുകയായിരുന്ന കർണാടക സ്വദേശികളുടെ ബസാണ് മൂവാറ്റുപുഴ ജം​ഗ്ഷനിൽ വെച്ച് മറിഞ്ഞത്.

ബസിന് പിന്നിൽ പച്ചക്കറി കയറ്റി വന്ന നാഷണൽ പെർമിറ്റ് ലോറി ഇടിച്ചാണ് അപകടം. അപകടം നടക്കുന്ന സമയത്ത് യാത്രക്കാരെല്ലാം ഉറക്കത്തിലായിരുന്നു. 

ആരുടെയും പരിക്ക് ​ഗുരുതരമല്ലെന്നാണ് പ്രാഥമിക വിവരം. എന്നാൽ ഇവരിൽ 4 പേർക്ക് തലക്കാണ് പരിക്കേറ്റിരിക്കുന്നത്.