ന്യൂഡല്ഹി: ലിവ്-ഇന് പങ്കാളിയില് നിന്നും തന്റെ പതിമൂന്നുകാരിയായ മകളെ രക്ഷിക്കാന് സഹോദരിയുടെ സഹായത്തോടെ യുവാവിനെ കൊലപ്പെടുത്തി.
മുന് വിവാഹത്തില് മൂന്ന് കുട്ടികളുള്ള കിരണ് കഴിഞ്ഞ നാല് വര്ഷമായി സക്കീറുമായി സൗഹൃദത്തിലായിരുന്നു. എന്നാല് എട്ട് മാസങ്ങള്ക്ക് മുമ്പാണ് ഇവര് ലോണിയിലുള്ള ഇയാളുടെ വീട്ടിലേക്ക് ഒപ്പം താമസിക്കാനായി മാറുന്നത്. കിരണിന്റെ 13 വയസ്സുള്ള മകളും രണ്ട് ആണ്മക്കളും ഇവര്ക്കൊപ്പമാണ് താമസിച്ചിരുന്നത്. കഴിഞ്ഞ രണ്ട് മാസമായി സക്കീറിന് തന്റെ പ്രായപൂര്ത്തിയാകാത്ത മകളോട് മോശം ഉദ്ദേശ്യങ്ങളുണ്ടെന്ന് കിരണ് സംശയിച്ചിരുന്നു.
ഇയാള് മകളെ ലൈംഗികമായി ചൂഷണം ചെയ്യുമോ എന്ന ഭയത്തെത്തുടര്ന്നാണ് സക്കീറിനെ ഇല്ലാതാക്കാന് കിരണ് തീരുമാനിക്കുന്നത്. ഇതിനായി 20 ദിവസം മുമ്പ് ബുലന്ദ്ഷഹറില് നിന്നും അനിയത്തി കാശിഷിനെ കിരണ് തന്റെ വീട്ടിലേക്ക് വിളിച്ചുവരുത്തുകയും കൊലപാതക പദ്ധതി ആസൂത്രണം ചെയ്യുകയുമായിരുന്നു.
തുടര്ന്ന് കൊലപാതകം തൂങ്ങിമരണമാണെന്ന് വരുത്തിതീര്ക്കാന് ഇവര് മൃതദേഹം ഫാനില് കെട്ടിത്തൂക്കുകയും, കെട്ടിത്തൂങ്ങുമ്പോള് സംഭവിക്കുന്നത് പോലെ കാണിക്കാന് ഫാനിന്റെ ബ്ലേഡുകള് വളയ്ക്കുകയും ചെയ്തു.
ഇതിനുശേഷം കിരണും സഹോദരിയും ഉറക്കെ നിലവിളിച്ച് അയല്ക്കാരെ കൂട്ടുകയും സക്കീര് ആത്മഹത്യയ്ക്ക് ശ്രമിച്ചതാണെന്ന് വിശ്വസിപ്പിക്കുകയും ചെയ്തു. ഉടന് തന്നെ സക്കീറിന്റെ സഹോദരന് സമീറിനെ വിളിച്ച് വിവരമറിയിച്ച ശേഷം ഇവര് സക്കീറിനെ ആശുപത്രിയില് എത്തിച്ചെങ്കിലും ഡോക്ടര്മാര് മരണം സ്ഥിരീകരിച്ചു.
തുടര്ന്ന് നടന്ന പോസ്റ്റ്മോര്ട്ടം റിപ്പോര്ട്ടിലാണ് സക്കീറിന്റെ മരണം ശ്വാസം മുട്ടിയാണെന്നും തലയില് ആഴത്തിലുള്ള പരിക്കുണ്ടെന്നും കണ്ടെത്തിയത്. ഇതോടെ മരണത്തില് സംശയം പ്രകടിപ്പിച്ച് സക്കീറിന്റെ സഹോദരന് സമീര് ഖാന് പോലീസില് പരാതി നല്കുകയായിരുന്നു.
ഭാരതീയ ന്യായ സംഹിതയിലെ കൊലപാതകം ഉള്പ്പെടെയുള്ള വകുപ്പുകള് പ്രകാരമാണ് ഇവര്ക്കെതിരെ കേസ് രജിസ്റ്റര് ചെയ്തിരിക്കുന്നത്. കൊലപാതകത്തിന് ഉപയോഗിച്ച വടിയും തുണിയും സംഭവസ്ഥലത്തു നിന്നും പോലീസ് കണ്ടെടുത്തിട്ടുണ്ട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.