തിരുവനന്തപുരം: നിപാ ബാധിതന്റെ സമ്പര്ക്കപ്പട്ടികയിലെ എല്ലാവരും സുരക്ഷിതമായി ക്വാറന്റൈന് പൂര്ത്തിയാക്കിയതായി ആരോഗ്യവകുപ്പ് മന്ത്രി കെ മുരളീധരന് അറിയിച്ചു.
രോഗം കൂടുതല് പേരിലേക്ക് വ്യാപിക്കുന്നതിന് മുന്പ് കണ്ടെത്താന് കഴിഞ്ഞതും കൃത്യതയോടെ സമ്പര്ക്കപ്പട്ടിക തയാറാക്കി നിരീക്ഷണം ഏര്പ്പെടുത്തിയതുമാണ് രോഗവ്യാപനം തടയാന് സഹായിച്ചത്. ഇതിനു പിന്നില് പ്രവര്ത്തിച്ച ജില്ലാ ഭരണകൂടം, ജില്ലയിലെ ആരോഗ്യ പ്രവര്ത്തകര് എന്നിവരെ മന്ത്രി അഭിനന്ദിച്ചു.
മാനദണ്ഡപ്രകാരമുള്ള തുടര് നിരീക്ഷണ നടപടികള് തുടരും. 42 ദിവസത്തെ നിരീക്ഷണം പൂര്ത്തിയാക്കുന്ന മുറയ്ക്ക് പ്രദേശത്തെ നിപരഹിതമായി പ്രഖ്യാപിക്കാനാകുമെന്നും മന്ത്രി പറഞ്ഞു.
21 ദിവസത്തെ നിരീക്ഷണം പൂര്ത്തിയാക്കിയ വളരെ ഉയര്ന്ന റിസ്ക് വിഭാഗത്തില്പ്പെട്ട 4 പേരെയും ഇന്നലെ ക്വാറന്റൈനില് നിന്നും ഒഴിവാക്കി. ഇതില് 2 പേര് രോഗബാധിതന്റെ കുടുംബാംഗങ്ങളും 2 പേര് ആരോഗ്യ പ്രവര്ത്തകരുമാണ്. നിരീക്ഷണ വേളയില് ഒരു രോഗലക്ഷണങ്ങളും ഉണ്ടാകാത്തതിനെ തുടര്ന്നാണിത്. രോഗനിരീക്ഷണത്തിന്റെ ഭാഗമായി ജൂണ് 10 മുതല് നിപ സമാന ലക്ഷണങ്ങള് ഉള്ളവരുടെയിടയില് ജില്ലയില് നടത്തിയ പരിശോധനയില് 58 പേരുടെ ഫലവും നെഗറ്റീവാണ്.
നിപ രോഗ ബാധിതന് കോഴിക്കോട് മെഡിക്കല് കോളജില് വെന്റിലേറ്ററില് ചികിത്സ തുടരുന്നു. എന്നാല് രോഗിയുടെ ഒരാഴ്ചക്കുള്ളിലെ രണ്ടു സ്രവ സാമ്പിളുകളും നെഗറ്റീവ് ആയിട്ടുണ്ട്. തുടര് ചികിത്സാനടപടികള് മെഡിക്കല് ബോര്ഡ് തീരുമാനിക്കും.
8 പേര്ക്ക് കൂടി ഷിഗെല്ല
സംസ്ഥാനത്ത് എട്ട് പേര്ക്ക് കൂടി ഷിഗെല്ല രോഗബാധ സ്ഥിരീകരിച്ചു. കൊല്ലം, കണ്ണൂര്, പാലക്കാട് രണ്ട് വീതം, തൃശൂര്, മലപ്പുറം ഒന്ന് വീതം എന്നിവിടങ്ങളിലാണ് ഇത്. സംസ്ഥാനത്ത് ജൂണ് മാസം 205 പേര്ക്ക് രോഗബാധയും 6 മരണവും റിപ്പോര്ട്ട് ചെയ്തിട്ടുണ്ട്. ഈ വര്ഷം ഇതുവരെ 281 പേര്ക്ക് ഷിഗെല്ല രോഗബാധ സ്ഥിരീകരിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.