തിരുവനന്തപുരം: ഇഡി ഉദ്യാഗസ്ഥരെ ആക്രമിച്ച കേസില് ഒമ്പതാം പ്രതി ഹരീഷ് കുമാറിന് ജാമ്യം ലഭിച്ചതില് അസാധാരണ നടപടികളുമായി പൊലീസും എന്ഫോഴ്സ്മെന്റ് ഡയറ്കടറേറ്റും.
ദേശീയതലത്തില് വരെ ശ്രദ്ധയാകര്ഷിച്ച കേസില് ഇപ്പോൾ അസാധാരണമായ നടപടികളാണ് നടക്കുന്നത്. ജാമ്യം നല്കരുതെന്ന പൊലീസ് റിപ്പോര്ട്ടിന് കടകവിരുദ്ധമായി പ്രോസിക്യൂട്ടര് ഗീനാ കുമാരി വാദിച്ചതാണ് ഹരീഷ് കുമാറിന് ജാമ്യം ലഭിക്കാൻ ഇടയാക്കിയത്. ഇടതു ഭരണത്തിൽ സിപിഎം പ്രതിനിധിയായി നിയോഗിച്ചയാളാണ് ഗീനാകുമാരി. ഗീനാകുമാരിയുടെ നടപടി വലിയ വിവാദമായതോടെയാണ് ജാമ്യം അനുവദിച്ച പ്രിന്സിപ്പല് സെഷന്സ് കോടതിയെ കൊണ്ട് തന്നെ വിധി റദ്ദാക്കാൻ പൊലീസ് ഹര്ജി നല്കിയത്.
ഇതേ കേസിൽ കക്ഷി ചേരണമെന്ന ഇഡിയുടെ ഹര്ജിയും കോടതി അനുവദിച്ചു. തുടര്ന്ന് കേസിൽ വിശദമായ വാദം കേള്ക്കാന് തിങ്കളാഴ്ചത്തേക്ക് മാറ്റി. പന്ത്രണ്ടാം പ്രതി ലെനിന് രാജിന്റെ ജാമ്യ ഹര്ജിയില് ഇന്ന് കോടതി വിധി പറയാനിരുന്നതാണ്. എന്നാല് ഈ കേസിലും തങ്ങളെ കേട്ട ശേഷം മാത്രമേ വിധി പറയാവൂ എന്ന് ഇഡി അഭിഭാഷകൻ വാദിച്ചു. ഇതോടെ ഈ കേസിലെ വിധിയും കോടതി മാറ്റി വെച്ചു. ഹരീഷ് കുമാറിന്റെ ജാമ്യം ചോദ്യം ചെയ്ത് രാവിലെയാണ് ഇഡി ഹൈക്കോടതിയില് അപ്പീൽ ഫയൽ ചെയ്തത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.