കൂട്ടുകാര്‍ക്കൊപ്പം പാറമടക്കുളത്തില്‍ കുളിക്കാൻ ഇറങ്ങിയ വിദ്യാര്‍ത്ഥികള്‍ മുങ്ങിമരിച്ചു

കോട്ടയം: എരുമേലിയില്‍ രണ്ട് വിദ്യാർത്ഥികള്‍ പാറമടക്കുളത്തില്‍ മുങ്ങി മരിച്ചു. കൊടുത്തോട്ടം സ്വദേശികളായ ആഷിർ(16), ആഷ്ലിൻ (20)എന്നിവരാണ് മരിച്ചത്.

കൂട്ടുകാർക്കൊപ്പം പറമടക്കുളത്തില്‍ കുളിക്കാൻ ഇറങ്ങിയതാണ് വിദ്യാർത്ഥികള്‍. കുളിക്കുന്നതിനിടെ മുങ്ങിത്താഴുകയായിരുന്നു. ഉടൻ രക്ഷിക്കാൻ ശ്രമിച്ചെങ്കിലും ജീവൻ രക്ഷിക്കാനായില്ല. മൃതദേഹം മുക്കൂട്ടുതറയിലെ സ്വകാര്യ ആശുപത്രി മോർച്ചറിയിലേക്ക് മാറ്റിയിരിക്കൂകയാണ് പോസ്റ്റുമോർട്ടത്തിന് ശേഷം കുടുംബത്തിന് വിട്ടുനല്‍കും.

വര്‍ഷങ്ങളായി മല തുറന്ന് പാറ പൊട്ടിച്ചിരുന്ന പാറമടയിലാണ് അപകടം ഉണ്ടായത്. കഴിഞ്ഞ ആറ് മാസമായി പ്രവര്‍ത്തനം നിര്‍ത്തിവച്ചിരിക്കുകയായിരുന്നു. ജനവാസ മേഖലയില്‍ നിന്നും കുറച്ച ദൂരം ഉള്ളിലോട്ട് കയറിയാണ് പാറമട. വലിയതോതില്‍ പാറ പൊട്ടിച്ചതോടെ വലിയ കുളം രൂപപ്പെട്ടിരുന്നു.