കൗണ്ടി കെറിയിലെ കില്ലാർണിയിൽ (Killarney) ഇന്ന് ആരംഭിച്ച വിപുലമായ ചടങ്ങുകളിൽ അയര്ലണ്ടില് താമസിക്കുന്ന ലോകമെമ്പാടുമുള്ള 4,600-ലധികം പേർക്ക് അയർലൻഡ് പൗരത്വം ലഭിക്കുന്നു.
ജൂൺ 22, 23 (തിങ്കൾ, ചൊവ്വാ) ദിവസങ്ങളിലായി ഗ്ലെനീഗിൾ അരീനയിലാണ് (Gleneagle Arena) ഈ ചടങ്ങുകൾ നടക്കുന്നത്. 139-ലധികം രാജ്യങ്ങളിൽ നിന്നുള്ള ആളുകളാണ് അയർലൻഡിന്റെ ഭാഗമാകുന്നത്.
ഈ വർഷം ഏപ്രിലിൽ നടക്കേണ്ടിയിരുന്ന ചടങ്ങുകൾ മാറ്റിവെച്ചതിനെത്തുടർന്ന് മാസങ്ങളായി കാത്തിരുന്ന അപേക്ഷകർക്ക് ഈ തീരുമാനം വലിയ ആശ്വാസമായി.ചടങ്ങിൽ പങ്കെടുക്കുന്നവർ അയർലൻഡ് രാജ്യത്തോടുള്ള കൂറുപ്രഖ്യാപന സത്യപ്രതിജ്ഞ ചെയ്യും. ഇതിനുശേഷം, വരും ആഴ്ചകളിൽ ഇവരുടെ സർട്ടിഫിക്കറ്റുകൾ തപാൽ വഴി വീട്ടിലെത്തും. ഇത് ഉപയോഗിച്ച് അയർലൻഡ് പാസ്പോർട്ടിനായി അപേക്ഷിക്കാം.
അതേസമയം അയർലൻഡ് പൗരത്വത്തിനായുള്ള നിയമങ്ങൾ സർക്കാർ കൂടുതൽ കർശനമാക്കിയിട്ടുണ്ട്. ഇനി മുതൽ പൗരത്വത്തിന് അപേക്ഷിക്കുന്നവർക്ക് 5 വർഷത്തെ നിയമപരമായ താമസം (Reckonable Residence), 150-പോയിന്റ് സ്കോർകാർഡ് യോഗ്യത, സാമ്പത്തിക സ്വയംപര്യാപ്തത എന്നിവ നിർബന്ധമാക്കിയിട്ടുണ്ട്. നിങ്ങൾ അയച്ച ഒറിജിനൽ രേഖകളെല്ലാം സുരക്ഷിതമായി തപാൽ വഴി തിരികെ ലഭിക്കും.
അയർലൻഡ് പൗരത്വ സർട്ടിഫിക്കറ്റ് ലഭിച്ച ശേഷം ആദ്യമായി ഐറിഷ് പാസ്പോർട്ടിന് (First-time Adult Passport) അപേക്ഷിക്കുന്നവർക്ക് സാധാരണയായി എല്ലാ രേഖകളും ഓഫീസിൽ ലഭിച്ച ശേഷം 20 പ്രവൃത്തിദിവസങ്ങൾ (Working Days) വരെ സമയമെടുക്കാറുണ്ട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.