പത്തനംതിട്ട: പ്രായപൂർത്തിയാകാത്ത പെൺകുട്ടിയെ വീട്ടിൽക്കയറി പലതവണ ലൈംഗിക പീഡനത്തിനിരയാക്കിയ കേസിൽ ഒളിവിൽക്കഴിഞ്ഞിരുന്ന സ്ഥിരം മോഷണക്കേസ് പ്രതിയെ പോലീസ് അറസ്റ്റ് ചെയ്തു.
പ്രതിക്കെതിരെ പോക്സോ വകുപ്പുകൾ പ്രകാരമാണ് കേസെടുത്തിരിക്കുന്നത്.. പതിനേഴുകാരിയായ പെൺകുട്ടിയുമായി പ്രണയം അഭിനയിച്ച് കെണിയിൽ പെടുത്തുകയായിരുന്നുവെന്ന് പോലീസ് പറഞ്ഞു.
പ്രതി മുൻപ് നിരവധി മോഷണക്കേസുകളിൽ പ്രതിയാണെന്ന കാര്യം പെൺകുട്ടിക്കറിയില്ലായിരുന്നു.
തുടർന്ന്, വീട്ടിൽ മുതിർന്നവർ ആരുമില്ലാതിരുന്ന സമയങ്ങളിൽ അതിക്രമിച്ചു കയറിയ മനു പെൺകുട്ടിയെ ഒന്നിലധികം തവണ ലൈംഗിക പീഡനത്തിന് ഇരയാക്കുകയായിരുന്നു.
പീഡനവിവരത്തിന് പുറമേ, മോഷണക്കേസുകളിലും പോലീസ് തന്നെ തിരയുന്നുണ്ടെന്ന് മനസ്സിലാക്കിയ പ്രതി ഒളിവിൽ പോവുകയായിരുന്നു.
രഹസ്യവിവരത്തിന്റെ അടിസ്ഥാനത്തിൽ പെരുമ്പെട്ടി പോലീസ് ഇൻസ്പെക്ടർ സജീഷ് കുമാർ, സിവിൽ പോലീസ് ഓഫീസർമാരായ അലക്സ്, അഭിജിത്ത് എന്നിവരടങ്ങിയ സംഘം എരുമേലിയിൽ നിന്നാണ് പ്രതിയെ സാഹസികമായി പിടികൂടിയത്.
കാഞ്ഞിരപ്പള്ളി, പള്ളിക്കത്തോട്, തിരുവല്ല, റാന്നി, കീഴ്വായ്പൂർ എന്നീ വിവിധ പോലീസ് സ്റ്റേഷനുകളിലായി മനുവിന്റെ പേരിൽ നിരവധി മോഷണക്കേസുകൾ നിലവിലുണ്ടെന്ന് പോലീസ് വ്യക്തമാക്കുന്നു..
അറസ്റ്റ് രേഖപ്പെടുത്തിയ പ്രതിയെ കോടതിയിൽ ഹാജരാക്കി റിമാൻഡ് ചെയ്തു..
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.