പാലക്കാട്: അട്ടപ്പാടിയിലെ ആദിവാസി കുടുംബങ്ങൾ നേരിടുന്ന പ്രശ്നങ്ങളിൽ ഇടപെട്ട് സംസ്ഥാന മനുഷ്യാവകാശ കമ്മിഷൻ. മഹാത്മാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതി (MGNREGA) പ്രകാരമുള്ള വേതനം മാസങ്ങളായി മുടങ്ങിയിരുന്നു.
പുതിയ അധ്യയന വർഷം ആരംഭിച്ച് രണ്ടാഴ്ച പിന്നിട്ടിട്ടും, അട്ടപ്പാടിയിലെ ഡസൻകണക്കിന് ആദിവാസി കുട്ടികൾക്ക് ഇനിയും തങ്ങളുടെ ക്ലാസ് മുറികളിലേക്ക് തിരിച്ചെത്താൻ സാധിച്ചിട്ടില്ല. സർക്കാർ സൗജന്യമായി നൽകിയ തുണി ഉപയോഗിച്ച് സ്കൂൾ യൂണിഫോം തുന്നി നൽകാൻ മാതാപിതാക്കളുടെ കൈകളിൽ പണമില്ലാത്തതാണ് പ്രശ്നം.
വിഷയത്തിൽ ഇടപെട്ട കമ്മീഷൻ അധ്യക്ഷൻ ജസ്റ്റിസ് അലക്സാണ്ടർ തോമസ് കുടിശ്ശികയായ വേതനം എത്രയും വേഗം വിതരണം ചെയ്യുന്നതിനുള്ള അടിയന്തര നടപടികൾ സ്വീകരിക്കാൻ പാലക്കാട് ജില്ലാ കളക്ടർ, തദ്ദേശസ്വയംഭരണ വകുപ്പ് പ്രിൻസിപ്പൽ ഡയറക്ടർ, പഞ്ചായത്ത് ജോയിന്റ് ഡയറക്ടർ, പട്ടികവർഗ വികസന വകുപ്പ് എന്നിവരടക്കമുള്ള ബന്ധപ്പെട്ട ഉദ്യോഗസ്ഥർക്ക് കമ്മിഷൻ നിർദേശം നൽകി
ആദിവാസി വിദ്യാർഥികൾക്ക് യൂണിഫോം തുന്നിക്കുന്നതിനുള്ള ചെലവ് പട്ടികവർഗ വികസന വകുപ്പിന്റെ ക്ഷേമപദ്ധതികളിലൂടെയോ സന്നദ്ധ സംഘടനകളുടെ സഹായത്തോടെയോ വഹിക്കാൻ കഴിയുമോയെന്ന് പരിശോധിക്കാനും ജില്ലാ കളക്ടറോട് കമ്മിഷൻ ആവശ്യപ്പെട്ടു. യൂണിഫോമിന്റെ അഭാവത്തിൽ കുട്ടികൾക്ക് പഠനം മുടങ്ങുന്ന സാഹചര്യം ഒഴിവാക്കണമെന്നാണ് നിർദേശം
ജൂലൈ 22-ന് പാലക്കാട് പി.ഡബ്ല്യു.ഡി. റസ്റ്റ് ഹൗസിൽ നടക്കുന്ന കമ്മിഷൻ സിറ്റിങ്ങിൽ ബന്ധപ്പെട്ട വകുപ്പുകളെ പ്രതിനിധീകരിക്കുന്ന മുതിർന്ന ഉദ്യോഗസ്ഥർ ഹാജരായി സ്വീകരിച്ച നടപടികൾ വിശദീകരിക്കണമെന്നും നിർദേശിച്ചിട്ടുണ്ട്. മനുഷ്യാവകാശ കമ്മിഷന്റെ ഇടപെടൽ അട്ടപ്പാടിയിലെ നൂറുകണക്കിന് തൊഴിലുറപ്പ് തൊഴിലാളികൾക്കും അവരുടെ കുടുംബങ്ങൾക്കും ആശ്വാസമാകുമെന്നാണ് പ്രതീക്ഷ
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.