ദുബായ്: യു.എ.ഇ.യിലെ വിദ്യാലയങ്ങളിൽ തിങ്കളാഴ്ചമുതൽ നേരിട്ടുള്ള പഠനം പുനരാരംഭിക്കുമെന്ന് വിദ്യാഭ്യാസ മന്ത്രാലയം അറിയിച്ചു. സർവകലാശാലകളും ഓഫ്ലൈൻ പഠനത്തിലേക്ക് മാറും. നിലവിലെ സ്ഥിതിഗതികൾ വിലയിരുത്തിയശേഷമാണ് തീരുമാനമെന്നും വിദ്യാഭ്യാസ മന്ത്രാലയം വിശദീകരിച്ചു.
ഇറാനിൽനിന്നുള്ള വ്യോമാക്രമണങ്ങളുടെ പശ്ചാത്തലത്തിൽ റിമോർട്ട് പഠനത്തിലേക്ക് മാറിയ യു.എ.ഇ.യിലെ സ്കൂളുകളും സർവകലാശാലകളുമാണ് വീണ്ടും ഓഫ്ലൈൻ പഠനത്തിലേക്ക് തിരിച്ചെത്തുന്നത്.
രാജ്യത്തെ സ്ഥിതിഗതികൾ മെച്ചപ്പെട്ട സാഹചര്യത്തിലാണ് തീരുമാനമെന്ന് യു.എ.ഇ. വിദ്യാഭ്യാസ മന്ത്രാലയം അറിയിച്ചു. സ്കൂളുകളിലും സർവകലാശാലകളിലും തിങ്കളാഴ്ചമുതൽ അധ്യാപകർക്കും വിദ്യാർഥികൾക്കും നേരിട്ടെത്താം. സർക്കാർ മേഖലയിലേയും സ്വകാര്യ മേഖലയിലേയും വിദ്യാലയങ്ങൾക്ക് തീരുമാനം ബാധകമാണ്.
ഫുജൈറ അടക്കമുള്ള സ്ഥലങ്ങളിലേക്ക് ഇറാൻ ആക്രമണം നടത്തിയതിനെത്തുടർന്ന് ഈമാസം അഞ്ചിനാണ് രാജ്യത്തെ സ്കൂൾ, കോളേജ് പഠനം ഓൺലൈനിലേക്ക് മാറിയത്. സ്ഥിതിഗതികൾ വിലയിരുത്തിയശേഷം ഞായറാഴ്ച തുടർതീരുമാനം പ്രഖ്യാപിക്കുമെന്നായിരുന്നു അന്നത്തെ അറിയിപ്പ്.
ഫെബ്രുവരി 28-ന് ഇറാൻ ആദ്യ ആക്രമണം നടത്തിയതിനെത്തുടർന്ന് ഓൺലൈനിലേക്ക് മാറിയ യു.എ.ഇ.യിലെ സ്കൂൾ, കോളേജ് വിദ്യാഭ്യാസം ഏപ്രിൽ 20-നാണ് നേരിട്ടുള്ള പഠനത്തിലേക്ക് മാറിയത്. ഇറാൻ ആക്രമണം പുനരാരംഭിച്ചതോടെ മേയ് അഞ്ചിന് വീണ്ടും ഓൺലൈനിലേക്ക് മാറുകയായിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.