വിരമിക്കാൻ വെറും രണ്ടുദിവസം മാത്രം ബാക്കി;മുഖ്യമന്ത്രിയെ സമൂഹമാധ്യമങ്ങളിലൂടെ അപകീർത്തിപ്പെടുത്തിയെന്ന പരാതിയിൽ സ്കൂൾ പ്രിൻസിപ്പലിന് സസ്പെൻഷൻ

മുഖ്യമന്ത്രി വി. ഡി. സതീശനെ സമൂഹമാധ്യമങ്ങളിലൂടെ അപകീർത്തിപ്പെടുത്തിയെന്ന പരാതിയിൽ സ്കൂൾ പ്രിൻസിപ്പലിനെ പൊതുവിദ്യാഭ്യാസ വകുപ്പ് സസ്പെൻഡ് ചെയ്തു. ആറ്റിങ്ങൽ ഗവൺമെന്റ് ബോയ്‌സ് ഹയർ സെക്കൻഡറി സ്കൂളിലെ പ്രിൻസിപ്പലായ ജവാദിനെതിരെയാണ് ഈ കർശന നടപടി. 

മെയ് 31-ന് സർവീസിൽ നിന്ന് വിരമിക്കാൻ വെറും രണ്ടുദിവസം മാത്രം ബാക്കിനിൽക്കെയാണ് അധ്യാപകന് സസ്പെൻഷൻ ഉത്തരവ് ലഭിക്കുന്നത്. സംഭവവുമായി ബന്ധപ്പെട്ട് യൂത്ത് കോൺഗ്രസ് നൽകിയ പരാതിയിൽ ഈ അധ്യാപകനെതിരെ പോലീസ് നേരത്തെ തന്നെ കേസെടുത്തിരുന്നു.

ഫേസ്ബുക്ക് പോസ്റ്റിലൂടെ മുഖ്യമന്ത്രിയുടെ ചിത്രവും പോസ്റ്ററുകളും ഉപയോഗിച്ച് മോശം രീതിയിൽ ചിത്രീകരിച്ചു എന്നാണ് പ്രിൻസിപ്പലിനെതിരെയുള്ള കുറ്റം. സമൂഹമാധ്യമങ്ങളിലൂടെ വ്യക്തികളെയും സർക്കാരിനെയും അപകീർത്തിപ്പെടുത്തുന്നത് കടുത്ത ചട്ടലംഘനമാണെന്ന് പൊതുവിദ്യാഭ്യാസ വകുപ്പ് വ്യക്തമാക്കി. 

ഇതിന്റെ അടിസ്ഥാനത്തിലാണ് ശക്തമായ അച്ചടക്ക നടപടിയുടെ ഭാഗമായി പ്രിൻസിപ്പലിനെ ഉടനടി സസ്പെൻഡ് ചെയ്തുകൊണ്ട് വകുപ്പ് ഉത്തരവിറക്കിയത്.