ഇന്ത്യയിലെ ഏറ്റവും വലിയ സ്വകാര്യ വിമാനത്താവള ഓപ്പറേറ്ററായ അദാനി എയർപോർട്ട് ഹോൾഡിംഗ്സ് ലിമിറ്റഡും ലോകത്തിലെ പ്രമുഖ ഹോസ്പിറ്റാലിറ്റി കമ്പനികളിലൊന്നായ ഐഎച്ച്ജി ഹോട്ടൽസ് & റിസോർട്സും ഇന്ത്യയിലെ പ്രധാന വിമാനത്താവളങ്ങളിൽ അഞ്ച് ഹോട്ടലുകൾ വികസിപ്പിക്കുന്നതിനുള്ള കരാറിൽ ഒപ്പുവച്ചു.
വർധിച്ചുവരുന്ന യാത്രക്കാരുടെ എണ്ണം, ആഭ്യന്തര വിനോദസഞ്ചാരം, ബിസിനസ് യാത്രകൾ എന്നിവയെ തുടർന്ന് വിമാനത്താവള കേന്ദ്രീകൃത വികസനങ്ങൾ പ്രധാന ഹോസ്പിറ്റാലിറ്റി-വാണിജ്യ കേന്ദ്രങ്ങളായി മാറിക്കൊണ്ടിരിക്കുകയാണ്. ഇന്ത്യയിലെ ഏറ്റവും വലിയ സ്വകാര്യ വിമാനത്താവള ഓപ്പറേറ്ററായ എഎഎച്ച്എൽ വർഷംതോറും കോടിക്കണക്കിന് യാത്രക്കാർക്ക് വിമാനത്താവള ശൃംഖല വഴി സേവനം നൽകുന്നു. ഹോസ്പിറ്റാലിറ്റി, റീട്ടെയിൽ, വാണിജ്യ, സാമൂഹിക അടിസ്ഥാനസൗകര്യങ്ങൾ എന്നിവ സംയോജിപ്പിച്ച സമഗ്ര നഗര പരിസ്ഥിതികളായി വിമാനത്താവളങ്ങളെ പുനർനിർവചിക്കുകയാണ് കമ്പനി.
പ്രധാന നഗരങ്ങളിലായി ഏകദേശം 663 ഏക്കറിലായി വ്യാപിച്ചിരിക്കുന്ന എയർപോർട്ട് സിറ്റി വികസനങ്ങളിലൂടെ യാത്രാനുഭവങ്ങൾ മെച്ചപ്പെടുത്തുന്നതിനൊപ്പം ദീർഘകാല സാമ്പത്തിക-നഗര വളർച്ചക്കും എഎഎച്ച് എൽ നേതൃത്വം നൽകുന്നു.
ഐഎച്ച്ജി ഹോട്ടൽസ് & റിസോർട്സ് നിലവിൽ ഇന്ത്യയിൽ ആറു ബ്രാൻഡുകളിലായി 52 ഹോട്ടലുകൾ പ്രവർത്തിപ്പിക്കുന്നു. അടുത്ത മൂന്ന് മുതൽ അഞ്ച് വർഷത്തിനിടെ 98 പുതിയ ഹോട്ടലുകൾ കൂടി പ്രവർത്തനം ആരംഭിക്കുമെന്നാണ് പ്രതീക്ഷ.









.jpg)








ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.