ധനുഷ്കോടി: കടലിലെ വെല്ലുവിളികളെ അതിജീവിച്ച് ശ്രീലങ്കയില് നിന്ന് ഇന്ത്യയിലേക്ക് നീന്തിക്കടന്ന് ചരിത്രം കുറിച്ചിരിക്കുകയാണ് ബെംഗളൂരു സ്വദേശികളായ ഡാനിഷ് അബ്ദിയും വൃഷാലി പ്രസാദെയും.
മെയ് 7-ന് നടന്ന ഈ സാഹസിക യാത്രയില് ഏകദേശം 32 കിലോമീറ്റർ ദൂരമാണ് ഇരുവരും നീന്തിക്കടന്നത്. രാമസേതു പാതയിലൂടെ ഈ നേട്ടം കൈവരിക്കുന്ന ആദ്യ ദമ്പതികളായി ഇവർ മാറി.ശ്രീലങ്കയിലെ തലൈമാന്നാറില് നിന്ന് പുലർച്ചെ 4:30-നാണ് ഇവർ യാത്ര ആരംഭിച്ചത്. ഏകദേശം 10 മണിക്കൂർ 45 മിനിറ്റ് നീണ്ട കഠിനമായ നീന്തലിനൊടുവില് വൈകുന്നേരം 3.15-ഓടെ തമിഴ്നാട്ടിലെ ധനുഷ്കോടിയില് ഇവർ എത്തിച്ചേർന്നു. സമുദ്രത്തിലെ ശക്തമായ ഒഴുക്കും കാറ്റും തിരമാലകളും യാത്രയില് വലിയ തടസ്സങ്ങള് സൃഷ്ടിച്ചിരുന്നു. പലപ്പോഴും ഒഴുക്കില്പ്പെട്ട് പാതയില് നിന്ന് മാറിപ്പോയെങ്കിലും ഇരുവരും ലക്ഷ്യസ്ഥാനത്ത് ഉറച്ചുനിന്നു.
സോഫ്റ്റ്വെയർ രംഗത്ത് ജോലി ചെയ്യുന്ന ഡാനിഷ് അബ്ദിയും വൃഷാലി പ്രസാദെയും വെറും നാല് വർഷം മുമ്പാണ് ഗൗരവകരമായി നീന്തല് പരിശീലനം ആരംഭിച്ചത് എന്ന പ്രത്യേകതയുമുണ്ട്. തങ്ങളുടെ പരിശീലനവും കഠിനാധ്വാനവും പരീക്ഷിക്കപ്പെട്ട ദിവസമായിരുന്നു ഇതെന്നും തങ്ങള് തയ്യാറായിരുന്നുവെന്നും ദമ്പതികള് ഇൻസ്റ്റാഗ്രാമില് കുറിച്ചു. ഇന്ത്യൻ കോസ്റ്റ് ഗാർഡിന്റെയും പാരാമെഡിക്കല് ജീവനക്കാരുടെയും സുരക്ഷാ ബോട്ടുകളുടെയും കർശനമായ മേല്നോട്ടത്തിലായിരുന്നു ഈ സാഹസിക ദൗത്യം നടന്നത്. വരുംതലമുറയിലെ കായിക താരങ്ങളെയും സാഹസിക പ്രേമികളെയും പ്രചോദിപ്പിക്കുന്നതിനായി ഇവർ തങ്ങളുടെ യാത്രയുടെ വീഡിയോകളും സോഷ്യല് മീഡിയയില് പങ്കുവെച്ചിട്ടുണ്ട്. ഐടി മേഖലയിലെ തിരക്കിട്ട ജോലിക്കിടയിലും കഠിനമായ അച്ചടക്കത്തിലൂടെ ഇവർ നേടിയ ഈ വിജയം വലിയ പ്രശംസയാണ് സോഷ്യല് മീഡിയയില് നേടുന്നത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.