തിരുവനന്തപുരം: രാജ്യത്ത് കമ്യൂണിസ്റ്റ് പാര്ട്ടികള്ക്ക് ഒരു സംസ്ഥാനത്തിലും അധികാരമില്ലാത്ത ഒരു കാലമാണ് കേരളത്തിലെ തിരഞ്ഞെടുപ്പ് ഫലത്തോടെ സംജാതമായിരിക്കുന്നത്.
1977 ജൂണ് 21 മുതല് 2011 മെയ് 20 വരെ ഏതാണ്ട് മൂന്നര പതിറ്റാണ്ടോളം സിപിഐഎം നേതൃത്വത്തിലുള്ള സര്ക്കാര് ആയിരുന്നു പശ്ചിമ ബംഗാള് ഭരിച്ചിരുന്നത്. 1977 മുതല് 2000 വരെ ജ്യോതി ബസുവും അതിന് ശേഷം ബുദ്ധദേബ് ഭട്ടാചാര്യയും ആയിരുന്നു ബംഗാളിലെ സിപിഐഎം മുഖ്യമന്ത്രിമാര്.
2011 ലെ തിരഞ്ഞെടുപ്പില് ഇടതു സര്ക്കാരിനെ വീഴ്ത്തി തൃണമൂല് കോണ്ഗ്രസ് പശ്ചിമ ബംഗാളില് അധികാരത്തിലെത്തി. ഇപ്പോള് പതിനഞ്ച് വര്ഷങ്ങള്ക്ക് ശേഷം മമത ബാനര്ജിയുടെ തൃണമൂല് കോണ്ഗ്രസിനെ പരാജയപ്പെടുത്തി ബിജെപി അവിടെ അധികാരത്തിലെത്തി. സിപിഐഎമ്മും ഇടതുപാര്ട്ടികളും ബംഗാളില് നാമാവശേഷമാവുകയും ചെയ്തു
.ത്രിപുരയിലും സംഭവിച്ചത് മറ്റൊന്നല്ല. 2018 ലെ തിരഞ്ഞെടുപ്പില് മാണിക് സര്ക്കാരിനെ അട്ടിമറിച്ച് ബിപ്ലബ് കുമാര് ദേബിന്റെ നേതൃത്വത്തില് ബിജെപി അധികാരത്തിലെത്തി. 2023 ലെ തിരഞ്ഞെടുപ്പിലും ബിജെപി വിജയം ആവര്ത്തിച്ചു. കേരളത്തില് അഞ്ചുവര്ഷം എല്ഡിഎഫും അഞ്ച് വര്ഷം യുഡിഎഫും എന്ന നിലയിലായിരുന്നു ഭരണമാറ്റം.
കേരളത്തില് ഇത്തവണ വന് പരാജയമാണ് സിപിഐഎം നയിക്കുന്ന എല്ഡിഎഫ് നേരിട്ടിരിക്കുന്നത്. കഴിഞ്ഞ തവണ 99 സീറ്റുകളുമായി അധികാരത്തിലെത്തിയ മുന്നണി ഇത്തവണ അതിന്റെ പകുതി പോലും നേടാനാകാതെ വലഞ്ഞു.
മുഖ്യമന്ത്രിയായിരുന്ന പിണറായി വിജയന് പോലും പരാജയം മണത്തു. ഉറച്ച കോട്ടയെന്ന് കരുതിയിരുന്ന കണ്ണൂരും കൊല്ലവും എല്ലാം എല്ഡിഎഫിനേയും സിപിഐഎമ്മിനേയും കൈവിടുകയും ചെയ്തു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.