ഹൈദരാബാദ്: ആന്ധ്രപ്രദേശ് കേഡറിലെ വിരമിച്ച ഐപിഎസ് ഉദ്യോഗസ്ഥന് വിനയ് രഞ്ജന് റേയുടെ ഭാര്യയെ കൊല്ലപ്പെട്ട നിലയില് കണ്ടെത്തി. ജൂബിലി ഹില്സിലെ പ്രശാസന് നഗറിലുള്ള വസതിയിലാണ് തനുജ രഞ്ജനെ മരിച്ച നിലയില് കണ്ടെത്തിയത്.
വെള്ളിയാഴ്ച രാവിലെയാണ് സംഭവം. വിനയ് രഞ്ജന് റേ വ്യക്തിപരമായ ആവശ്യങ്ങള്ക്കായി ബംഗളൂരുവിലായിരുന്ന സമയത്താണ് കൃത്യം നടന്നത്. ഈ സമയത്ത് തനുജയും രണ്ട് മക്കളുമാണ് വീട്ടില് ഉണ്ടായിരുന്നത്.
വെള്ളിയാഴ്ച രാവിലെ 9:15-ഓടെ മറ്റൊരു വീട്ടുജോലിക്കാരി എത്തിയപ്പോള് മകള് സുനന്ദ വാതില് തുറന്നു. സ്ഥിരം ജോലിക്കാരിയായ കല്പ്പനയെ കാണാതിരുന്നതിനെ തുടര്ന്ന് നടത്തിയ പരിശോധനയിലാണ് അമ്മയെ മുറിയില് കൈകാലുകള് ബന്ധിച്ച നിലയില് കണ്ടെത്തിയത്.
വിനയ് രഞ്ജന്റെ അമ്മയെ പരിചരിക്കാന് നിന്ന കല്പ്പന എന്ന ജോലിക്കാരിയാണ് കൊലപാതകത്തിന് സൗകര്യമൊരുക്കിയതെന്ന് പൊലീസ് പറയുന്നു. ഇവര് നിലവില് ഒളിവിലാണ്. സിസിടിവി ദൃശ്യങ്ങളില് പുലര്ച്ചെ ഒരു മണിയോടെ മൂന്ന് പുരുഷന്മാര് വീട്ടില് കയറുന്നതും 2:30-ഓടെ മാരകായുധങ്ങളും ഒരു ബാഗുമായി പുറത്തുപോകുന്നതും പതിഞ്ഞിട്ടുണ്ട്.
പ്രതികള് ഓട്ടോറിക്ഷയില് നമ്പള്ളി റെയില്വേ സ്റ്റേഷനില് എത്തിയതായും അവിടെനിന്ന് തെലങ്കാന എക്സ്പ്രസ്സില് നാഗ്പുര് ഭാഗത്തേക്ക് കടന്നതായും പൊലീസ് കണ്ടെത്തി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.