മരങ്ങള്‍ കുത്തി മറിച്ച പോത്തിനെ ഓടിക്കുന്നതിനിടെ ആക്രമണം: വയോധികന് ദാരുണാന്ത്യം,

കൊച്ചി: കളമശ്ശേരിയില്‍ പോത്തിന്റെ ആക്രമണത്തില്‍ വയോധികൻ മരിച്ചു. കൈപ്പടമുകള്‍ കൊല്ലംകുടി വീട്ടില്‍ അബുവാണ് (73) മരിച്ചത്.

കളമശ്ശേരി കൈപ്പടമുകളില്‍ ശനിയാഴ്ച വൈകീട്ട് 7 മണിയോടെയാണ് സംഭവം. വീടിന് സമീപത്തെ മരങ്ങള്‍ കുത്തി മറിക്കുന്നത് കണ്ട് പോത്തിനെ ഓടിക്കാൻ ശ്രമിക്കുന്നതിനിടെ അപ്രതീക്ഷിതമായി പോത്ത് അബുവിനെ ആക്രമിക്കുകയായിരുന്നു.

ക്ര​മ​ണ​ത്തി​ൽ‌ അ​ബു​വി​ന്‍റെ കാ​ലി​നും വാ​രി​യെ​ല്ലു​ക​ൾ​ക്കും ഗുരു​ത​ര പ​രി​ക്കേ​റ്റി​രു​ന്നു. ആ​ക്ര​മ​ണ​ത്തി​ൽ പ​രി​ക്കേ​റ്റ അ​ബു​വി​ന്‍റെ നി​ല​വി​ളി കേ​ട്ട് നാ​ട്ടു​കാ​ർ ഓ​ടി​യെ​ത്തി​യെ​ങ്കി​ലും പോ​ത്ത് അ​ക്ര​മാ​സ​ക്ത​മാ​യി​രു​ന്ന​തി​നാ​ൽ‌ ഉ​ട​ൻ അബുവിനെ ര​ക്ഷി​ക്കാ​നാ​യി​ല്ല. ഉടമ എത്തിയാണ് പോത്തിനെ ശാന്തനാക്കിയത്.

പോ​ത്തി​ന്‍റെ ശ്ര​ദ്ധ മാ​റി​യ​തോ​ടെ​യാ​ണ് നാ​ട്ടു​കാ​ർ അ​ബു​വി​നെ ആ​ശു​പ​ത്രി​യി​ലേ​ക്ക് മാ​റ്റി​യ​ത്. എ​ന്നാ​ൽ ഗു​രു​ത​ര​മാ​യി പ​രി​ക്കേ​റ്റ അ​ബു​വി​ന്‍റെ ജീ​വ​ൻ ര​ക്ഷി​ക്കാ​നാ​യി​ല്ല. സംഭവത്തിൽ അസ്വാഭാവിക മരണത്തിന് പൊലീസ് കേസെടുത്തു. പോസ്റ്റ്മോർട്ടത്തിന് ശേഷം മൃതദേഹം ഇന്ന് ബന്ധുക്കൾക്ക് വിട്ടുനൽകും.