ആംസ്റ്റർഡാം; ഇന്ധനവില വർധനവും ഊർജ പ്രതിസന്ധിയും മൂലം വലയുന്ന ജനങ്ങൾക്ക് ആശ്വാസമായി നെതർലൻഡ്സ് സർക്കാരിന്റെ വമ്പൻ പ്രഖ്യാപനം.
നിലവിൽ കാറുകളിൽ യാത്ര ചെയ്യുന്നവരെ പൊതുഗതാഗതത്തിലേക്ക് ആകർഷിക്കുന്നതിലൂടെ ഇന്ധന ഉപഭോഗം കുറയ്ക്കാനും അതുവഴി ഊർജ പ്രതിസന്ധിക്ക് പരിഹാരം കാണാനുമാണ് പ്രധാനമന്ത്രി റോബ് ജെറ്റന്റെ നേതൃത്വത്തിലുള്ള സർക്കാർ ലക്ഷ്യമിടുന്നത്. വരാനിരിക്കുന്ന വേനൽക്കാല മാസങ്ങളിൽ തന്നെ ഈ പദ്ധതി പ്രാബല്യത്തിൽ വരും.
ജർമനിയിൽ വൻ വിജയമായ ‘ഡച്ച്ലൻഡ് ടിക്കറ്റ്’ മാതൃകയിലാണ് ‘നെതർലൻഡ് ടിക്കറ്റ്’ എന്ന പേരിൽ ഈ പദ്ധതി അവതരിപ്പിക്കുന്നത്. പ്രതിപക്ഷമായ പ്രോഗ്രസീവ് നെതർലൻഡ്സ് മുന്നോട്ടുവച്ച ഈ നിർദേശത്തിന് പാർലമെന്റിൽ വലിയ പിന്തുണയാണ് ലഭിച്ചത്. സാധാരണക്കാർക്ക് കുടുംബസന്ദർശനങ്ങൾക്കും വിനോദയാത്രകൾക്കും മറ്റും വലിയ സാമ്പത്തിക സഹായമാകുന്ന ഈ നീക്കം യാത്രാച്ചെലവിൽ 60 ശതമാനത്തോളം കുറവ് വരുത്തുമെന്നാണ് കണക്കാക്കപ്പെടുന്നത്.
പശ്ചിമേഷ്യയിലെ സംഘർഷങ്ങളെത്തുടർന്ന് എണ്ണവില വർധിച്ച സാഹചര്യത്തിൽ മലയാളികളുൾപ്പെടെയുള്ള പ്രവാസികൾക്ക് ഈ തീരുമാനം വലിയ ആശ്വാസമാകും.
പദ്ധതി നടപ്പിലാക്കുന്നതിലൂടെ സർക്കാരിന് ഏകദേശം 118 മില്യൻ യൂറോയുടെ അധിക ബാധ്യത വരുമെങ്കിലും ഇന്ധന നികുതി കുറയ്ക്കുന്നതിനേക്കാൾ പ്രായോഗികമായ നടപടി പൊതുഗതാഗതം ശക്തിപ്പെടുത്തുകയാണെന്ന നിലപാടിലാണ് ഡച്ച് ഭരണകൂടം. വരും ആഴ്ചകളിൽ തന്നെ ഇതിന്റെ ഔദ്യോഗിക പ്രഖ്യാപനവും ടിക്കറ്റ് വിതരണവും ആരംഭിക്കും.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.