കൊച്ചി: നാല് മാസങ്ങള്ക്ക് ശേഷം വിപിഎസ് ലേക്ഷോറിന്റെ സ്നേഹത്തണലില് വീണ്ടുമൊരു കല്യാണമണ്ഡപമൊരുങ്ങി, മുന്നിശ്ചയിച്ച തീരുമാനങ്ങള്ക്ക് മേല് ആരോഗ്യാവസ്ഥ പ്രതിസന്ധി തീര്ത്തപ്പോള് ചികിത്സയിലിരുന്ന വധുവിന് മുന്നില് ആശുപത്രിയുടെ കരുതലിന്റെ വാതിലുകള് തുറന്നു.
ആശുപത്രിക്കുള്ളിലെ ക്ഷേത്രത്തില് വ്യാഴാഴ്ച രാവിലെ 10.30നും 11നും ഇടയിലുള്ള മുഹൂര്ത്തത്തിലായിരുന്നു വിവാഹം. ഇരുവരുടെയും വിവാഹം മാസങ്ങള്ക്ക് മുമ്പേ നിശ്ചയിച്ചതാണ്. ഇതിനിടെ ഏതാനും ദിവസങ്ങള്ക്ക് മുമ്പാണ് വയറുവേദന അനുഭവപ്പെട്ട് ദിയ ആശുപത്രിയില് ചികിത്സ തേടിയത്. തുടര്ന്ന് അടിയന്തിര ശസ്ത്രക്രിയ ആവശ്യമായി വന്നു. ഇതിനോടകം വിവാഹത്തിനുള്ള ഒരുക്കങ്ങള് ബന്ധുക്കള് പൂര്ത്തീകരിച്ചിരുന്നു. അതിനാല് നിശ്ചയിച്ച ദിവസം തന്നെ വിവാഹം നടത്താന് കുടുംബം തീരുമാനിച്ചു.
വിവാഹ ദിനത്തില് അപകടത്തില്പെട്ട ആലപ്പുഴ സ്വദേശി ആവണിയെ വരന് ഷാരോണ് വിപിഎസ് ലേക്ഷോറിലെ അത്യാഹിത വിഭാഗത്തില് വെച്ച് താലിചാര്ത്തിയത് കഴിഞ്ഞ നവംബര് മാസത്തിലായിരുന്നു.
അടുത്ത കുടുംബാംഗങ്ങള്ക്കും സുഹൃത്തുക്കള്ക്കുമൊപ്പം ആശുപത്രി ജീവനക്കാരും ദിയക്കും ജിതിനുമൊപ്പം ബന്ധുക്കളായി ചേര്ന്നുനിന്നു. വി.പി.എസ് ലേക്ഷോര് എംഡി എസ്കെ. അബ്ദുള്ള, സിഇഓ ജയേഷ് വി നായര്, ഗ്രൂപ്പ് സിഒഒ ലക്ഷ്മണ് സേതുരാമന്, ചികിത്സക്ക് നേതൃത്വം വഹിക്കുന്ന സര്ജിക്കല് ഗാസ്ട്രോഎന്ററോളജി ഡയറക്ടറും സീനിയര് കണ്സള്ട്ടന്റുമായ ഡോ. എച്ച് രമേഷ്, സീനിയര് കണ്സള്ട്ടന്റ് ഡോ. മായ പീതാംബരന് തുടങ്ങിയവര് പങ്കെടുത്തു. ഡോ. എച്ച്. രമേഷും ഡോ. പി. മായയും ചേര്ന്ന് താലി മാലയും ജയേഷ് വി. നായര് പൂമാലകളും എടുത്ത് നല്കി.
എന്നാല്, വ്യാഴാഴ്ച ആകുമ്പോഴേക്കും യാത്ര ചെയ്യാനാകുന്ന ഘട്ടത്തിലെത്തിയിരുന്നില്ല. തുടര്ന്നാണ് ആശുപത്രിയിലെ അമ്പലത്തില് വിവാഹം നടത്താമെന്ന് തീരുമാനിച്ചത്. മാനേജ്മെന്റും ഡോക്ടര്മാരും സന്തോഷത്തോടെ സ്വാഗതം ചെയ്ത് ആവശ്യമായ സൗകര്യങ്ങള് ചെയ്ത് നല്കി. ദിയ ആശുപത്രിയില് ചികിത്സയില് തുടരുകയാണ്.
വിവാഹത്തിനായി എല്ലാ സൗകര്യങ്ങളുമൊരുക്കി ഒപ്പം നിന്ന വിപിഎസ് ലേക്ഷോര് ആശുപത്രി അധികൃതരോട് നന്ദിയുണ്ടെന്ന് വരന് ജിതിന് പറഞ്ഞു. ഇങ്ങനെയൊരു സാഹചര്യത്തിലും കാര്യങ്ങള് ഭംഗിയായി നടന്നു. എല്ലാവരുടെയും സ്നേഹവും പരിഗണനയും പ്രാര്ഥനകളും തങ്ങള്ക്ക് ഇവിടെ ലഭിച്ചുവെന്നും ജിതിന് കൂട്ടിച്ചേര്ത്തു
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.