വിരുദുനഗര്: തമിഴ്നാട്ടിലെ ചെന്നെയ്ക്ക് അടുത്ത് വിരുദുനഗറിനടുത്തുള്ള പടക്ക നിര്മ്മാണ ശാലയിലുണ്ടായ സ്ഫോടനത്തില് കൊല്ലപ്പെട്ടവരുടെ എണ്ണം 23 ആയി. പരിക്കേറ്റവര് ആശുപത്രിയില് ചികിത്സയിലാണ്.
വൈകുന്നേരത്തോടെയാണ് പടക്ക നിര്മ്മാണ ശാലയില് അപകടമുണ്ടായത്. മുപ്പത് തൊഴിലാളികളാണ് അപകടസമയത്ത് ജോലിയിലുണ്ടായിരുന്നത്.
വനജ പടക്ക ഫാക്ടറിയില് വലിയ ശബ്ദത്തോടെ സ്ഫോടകവസ്തുക്കള് പൊട്ടിത്തെറിച്ചുവെന്നും ആഘാതത്തില് പടക്ക ഫാക്ടറിയുടെ നാല് മുറികള് പൂര്ണ്ണമായും കത്തി നശിച്ചുവെന്നും തമിഴ് മാധ്യമങ്ങള് റിപ്പോര്ട്ട് ചെയ്യുന്നു. ഏകദേശം 10 കിലോമീറ്റര് ദൂരം വരെ പ്രകമ്പനമുണ്ടായി.
രക്ഷാപ്രവര്ത്തനം നടക്കുന്നതിനിടെ വീണ്ടും സ്ഫോടനമുണ്ടായത് ആശങ്ക വര്ദ്ധിപ്പിച്ചു. അഗ്നിശമന സേനാംഗങ്ങള്ക്ക് പരിക്കേറ്റു ഇവരെ ആശുപത്രിയില് പ്രവേശിപ്പിച്ചു.
സംഭവത്തില് തമിഴ്നാട് മുഖ്യമന്ത്രി എം കെ സ്റ്റാലിന് രക്ഷാപ്രവര്ത്തനങ്ങള് വേഗത്തിലാക്കാന് നിര്ദ്ദേശം നല്കി. മന്ത്രിമാരായ കെകെഎസ്എസ്ആര് രാമചന്ദ്രനോടും തങ്കം തെന്നരശുവിനോടും രക്ഷാപ്രവര്ത്തനങ്ങള് വേഗത്തിലാക്കാനും നിരീക്ഷിക്കാനും ദുരിതബാധിത കുടുംബങ്ങള്ക്ക് ആശ്വാസം നല്കാനും ഉടന് സ്ഥലത്തെത്തണമെന്ന് സ്റ്റാലിന് അഭ്യര്ത്ഥിച്ചു. ജില്ലാ കളക്ടറെ ബന്ധപ്പെടുകയും ആവശ്യമായ എല്ലാ സഹായങ്ങളും ഏകോപിപ്പിക്കാന് നിര്ദ്ദേശിക്കുകയും ചെയ്തു.
VIDEO | Virudhunagar, Tamil Nadu: Several feared dead in a firecracker factory blast near Kattanarpatti. pic.twitter.com/FLJBiukUtG
— Press Trust of India (@PTI_News) April 19, 2026
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.