ന്യൂഡൽഹി: അമേരിക്കയും ഇസ്രയേലും ഇറാനില് നടത്തുന്ന സൈനിക നീക്കങ്ങള് ആഗോള വിപണിയില് വൻ പ്രത്യാഘാതങ്ങള് സൃഷ്ടിക്കുന്നു.
പെട്രോള്, ഡീസല്
പശ്ചിമേഷ്യയിലെ യുദ്ധസമാനമായ സാഹചര്യം ക്രൂഡ് ഓയില് വിലയില് വൻ വർധനവാണ് ഉണ്ടാക്കിയിരിക്കുന്നത്. ഹോർമുസ് കടലിടുക്ക് വഴിയുള്ള എണ്ണ വിതരണം തടസ്സപ്പെട്ടതോടെ അന്താരാഷ്ട്ര വിപണിയില് ബ്രെന്റ് ക്രൂഡ് വില ഗണ്യമായി ഉയർന്നു. ഇത് വരും ദിവസങ്ങളില് ഇന്ത്യയിലുള്പ്പെടെ പെട്രോള്, ഡീസല് വില വർധിക്കാൻ കാരണമാകും.
ഭക്ഷ്യവസ്തുക്കളും നിത്യോപയോഗ സാധനങ്ങളും
ഇന്ധന വില വർധിക്കുന്നത് ഗതാഗത ചെലവ് കൂട്ടും. ഇത് ചരക്ക് നീക്കത്തെ ബാധിക്കുന്നതോടെ പച്ചക്കറികള്, അരി, പരിപ്പ് വർഗങ്ങള് തുടങ്ങിയ നിത്യോപയോഗ സാധനങ്ങള്ക്ക് വലിയ തോതില് വില കൂടാനിടയുണ്ട്. ഇന്ത്യയില് നിന്നുള്ള ഉള്ളി, അരി കയറ്റുമതിയെയും ഈ സാഹചര്യം പ്രതികൂലമായി ബാധിക്കും.
പാചകവാതകവും വൈദ്യുതിയും
പ്രകൃതി വാതകത്തിന്റെ പ്രധാന വിതരണ കേന്ദ്രങ്ങളിലൊന്നായ മിഡില് ഈസ്റ്റിലെ അസ്ഥിരത എല് പി ജി വിലയെയും ബാധിക്കും. ഗ്യാസ് അധിഷ്ഠിത വൈദ്യുതി നിലയങ്ങളുടെ പ്രവർത്തനച്ചെലവ് വർധിക്കുന്നതോടെ വൈദ്യുതി ബില്ലുകളിലും വർധനവ് ഉണ്ടായേക്കാം.
സ്വർണ്ണവും വെള്ളിയും
യുദ്ധം പോലുള്ള അനിശ്ചിതത്വങ്ങള് ഉണ്ടാകുമ്പോള് സുരക്ഷിത നിക്ഷേപം എന്ന നിലയില് സ്വർണ്ണത്തിലേക്ക് നിക്ഷേപകർ മാറുന്നത് പതിവാണ്. ഫെബ്രുവരി അവസാന വാരം മുതല് സ്വർണ്ണവിലയില് വൻ വർധനവാണ് രേഖപ്പെടുത്തിയിരിക്കുന്നത്. കഴിഞ്ഞ ഏതാനും ദിവസങ്ങള്ക്കുള്ളില് പവന് അയ്യായിരം രൂപയിലധികം വർധനവ് സ്വർണ്ണ വിപണിയിലുണ്ടായിട്ടുണ്ട്.
വിമാന ടിക്കറ്റ് നിരക്ക്
ക്രൂഡ് ഓയില് വില കൂടുന്നത് വിമാന ഇന്ധനമായ എ ടി എഫ് വില ഉയരാൻ കാരണമാകും. വിമാനക്കമ്പനികള് ഈ അധിക ബാധ്യത ടിക്കറ്റ് നിരക്കിലൂടെ യാത്രക്കാരില് നിന്ന് ഈടാക്കുന്നതോടെ വിദേശയാത്രകള്ക്കും ആഭ്യന്തര യാത്രകള്ക്കും വൻ തുക ചിലവഴിക്കേണ്ടി വരും.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.