ചെന്നൈയുടെ ഭാഗ്യനക്ഷത്രം: വീണയിടത്തു നിന്ന് വിശ്വരൂപം പൂണ്ട് മലയാളി കരുത്ത് ലോക ക്രിക്കറ്റിനെ വിറപ്പിക്കുന്നു;

ചെന്നൈ: വീണയിടത്തു നിന്ന് വിശ്വരൂപം പൂണ്ട് സഞ്ജു സാംസണ്‍ എന്ന മലയാളി കരുത്ത് ലോകക്രിക്കറ്റിനെ വിറപ്പിക്കുന്നു.20-20 ലോകകപ്പില്‍ സൂപ്പര്‍ എട്ടിലും സെമി ഫൈനലിലും ബാക്ക് ടു ബാക്ക് മാന്‍ ഓഫ് ദി മാച്ച്‌ പുരസ്‌കാരങ്ങള്‍ വാരിക്കൂട്ടിയ സഞ്ജുവിന്റെ മാസ്മരിക ഫോം കണ്ട് രാജസ്ഥാന്‍ റോയല്‍സ് മാനേജ്മെന്റ് ഇന്ന് നെഞ്ചത്തടിക്കുകയാണ്

തങ്ങളുടെ നായകനായിരുന്ന സഞ്ജുവിനെ ചെന്നൈ സൂപ്പര്‍ കിംഗ്സിന് കൈമാറിയത് ഹിമാലയന്‍ അബദ്ധമായെന്ന് രാജസ്ഥാന്‍ തിരിച്ചറിയുന്നു. സഞ്ജുവിനെ പുകച്ച്‌ പുറത്തുചാടിച്ചവര്‍ക്ക് ബാറ്റുകൊണ്ട് മറുപടി നല്‍കുന്ന ഇന്നിംഗ്‌സുകളാണ് ഓരോ കളിയിലും പിറക്കുന്നത്.

വര്‍ഷങ്ങളോളം രാജസ്ഥാന്‍ റോയല്‍സിന്റെ മുഖമായിരുന്ന സഞ്ജുവിനെ ചെന്നൈയ്ക്ക് വിട്ടുനല്‍കിയത് വലിയ നീക്കങ്ങളുടെയും മാനേജ്മെന്റുമായുള്ള അസ്വാരസ്യങ്ങളുടെയും ഫലമാണെന്ന് അന്ന് തന്നെ റിപ്പോര്‍ട്ടുകള്‍ ഉണ്ടായിരുന്നു.

രാജസ്ഥാന്‍ ആരാധകരുടെ 'സഞ്ജു ചേട്ടനെ' ചെന്നൈ റാഞ്ചിയപ്പോള്‍ പലരും നെറ്റിചുളിച്ചു. ഇതിനിടെ ന്യൂസിലന്‍ഡിന്റെ ഇന്ത്യന്‍ പര്യടനത്തില്‍ സഞ്ജു തീര്‍ത്തും ഫോം ഔട്ടായതോടെ രാജസ്ഥാന്‍ മാനേജ്മെന്റ് ആശ്വാസം കൊണ്ടു. 'സഞ്ജുവിനെ വിറ്റത് നന്നായി, അയാള്‍ കഴിഞ്ഞുപോയ കഥയാണ്' എന്ന് ആശ്വസിച്ചവര്‍ക്കുള്ള മറുപടിയായിരുന്നു ലോകകപ്പിലെ സഞ്ജുവിന്റെ പ്രകടനം.

ഫോം ഔട്ട് വിവാദങ്ങളോട് മൗനം പാലിച്ച സഞ്ജു, ലോകകപ്പ് വേദിയില്‍ തനിസ്വരൂപം പുറത്തെടുത്തു. സമ്മര്‍ദ്ദഘട്ടങ്ങളില്‍ പതറാതെ ക്രീസിലുറച്ചുനിന്ന് സിക്‌സറുകളുടെ പെരുമഴ തീര്‍ക്കുന്ന സഞ്ജുവിനെയാണ് ആരാധകര്‍ കണ്ടത്.

 ഇതോടെ സോഷ്യല്‍ മീഡിയയില്‍ സഞ്ജു ഫാന്‍സ് ഒന്നടങ്കം മഞ്ഞക്കുപ്പായക്കാരായി മാറി. രാജസ്ഥാന്‍ റോയല്‍സിന്റെ സോഷ്യല്‍ മീഡിയ പേജുകളില്‍ നിന്ന് ആരാധകര്‍ കൂട്ടത്തോടെ സി.എസ്.കെ പേജുകളിലേക്ക് കുടിയേറുകയാണ്. രാജസ്ഥാന്‍ മാനേജ്മെന്റിനെ പരിഹസിച്ചുകൊണ്ടുള്ള ട്രോളുകള്‍ കൊണ്ട് നിറയുകയാണ് ഇന്‍സ്റ്റഗ്രാമും എക്‌സും.

എം.എസ്. ധോണിക്ക് ശേഷം ചെന്നൈയുടെ നായകസ്ഥാനത്തേക്ക് വരെ സഞ്ജുവിന്റെ പേര് ചര്‍ച്ച ചെയ്യപ്പെടുമ്പോള്‍ രാജസ്ഥാന്‍ റോയല്‍സ് ഇന്ന് അനാഥമായ അവസ്ഥയിലാണ്. തങ്ങള്‍ വളര്‍ത്തിക്കൊണ്ടുവന്ന ഒരു പ്രതിഭയെ ഇത്ര നിസ്സാരമായി കൈവിട്ടതില്‍ ആരാധകര്‍ക്ക് വലിയ അമര്‍ഷമുണ്ട്.

 പുകച്ച്‌ പുറത്തുചാടിക്കാന്‍ നോക്കിയവര്‍ക്ക് മുന്നില്‍ സഞ്ജു ഇന്ന് തലയുയര്‍ത്തി നില്‍ക്കുന്നു. ചെന്നൈയുടെ ഭാഗ്യനക്ഷത്രമായി സഞ്ജു മാറുമ്പോള്‍, നഷ്ടപ്പെട്ടത് തങ്ങളുടെ കരിയറിലെ ഏറ്റവും വലിയ ആസ്തിയാണെന്ന് രാജസ്ഥാന്‍ വൈകാതെ തിരിച്ചറിയും.

രവീന്ദ്ര ജഡേജയെയും സാം കറനെയും ടീമിലെത്തിക്കാന്‍ സഞ്ജുവിനെ വിട്ടുകൊടുക്കാന്‍ രാജസ്ഥാന്‍ തയ്യാറായപ്പോള്‍ ആരാധകര്‍ ഞെട്ടി. ഫോം ഔട്ട് വിവാദങ്ങളോട് മൗനം പാലിച്ച സഞ്ജു, ലോകകപ്പ് വേദിയില്‍ തനിസ്വരൂപം പുറത്തെടുത്തു. 

വെസ്റ്റ് ഇന്‍ഡീസിനെതിരെ 97 റണ്‍സും സെമിയില്‍ ഇംഗ്ലണ്ടിനെതിരെ 89 റണ്‍സും അടിച്ചുകൂട്ടി സഞ്ജു ഇന്ത്യയെ ഫൈനലിലെത്തിച്ചു. രാജസ്ഥാനില്‍ നിന്നും പുകച്ച്‌ പുറത്തുചാടിച്ചവര്‍ക്ക് മുന്നില്‍ സഞ്ജു ഇന്ന് തലയുയര്‍ത്തി നില്‍ക്കുന്നു.

 ചെന്നൈയുടെ ഭാഗ്യനക്ഷത്രമായി സഞ്ജു മാറുമ്പോള്‍, നഷ്ടപ്പെട്ടത് തങ്ങളുടെ കരിയറിലെ ഏറ്റവും വലിയ ആസ്തിയാണെന്ന് രാജസ്ഥാന്‍ തിരിച്ചറിഞ്ഞു കഴിഞ്ഞു. അടുത്ത ഐപിഎല്‍ സീസണിലും പ്രകടന മികവ് സഞ്ജു ആവര്‍ത്തിക്കുമെന്ന് തന്നെയാണ് ഏവരുടേയും പ്രതീക്ഷ.