പശ്ചിമേഷ്യയിൽ സമാധാനവും സ്ഥിരതയും ഐശ്വര്യവും കൊണ്ടുവരുമെന്ന് പ്രത്യാശ പ്രകടിപ്പിച്ച് പ്രധാനമന്ത്രി

ഡൽഹി;ഇറാൻ പ്രസിഡന്റ് മസൂദ് പെസെഷ്കിയാനുമായി ഫോണിൽ സംസാരിച്ച് പ്രധാനമന്ത്രി നരേന്ദ്ര മോദി.

പെരുന്നാൾ – നൗറൂസ് ആശംസകൾ അറിയിച്ചു. ഈ ആഘോഷവേള പശ്ചിമേഷ്യയിൽ സമാധാനവും സ്ഥിരതയും ഐശ്വര്യവും കൊണ്ടുവരുമെന്ന് പ്രത്യാശ പ്രകടിപ്പിച്ചതായി പ്രധാനമന്ത്രി പുറത്തിറക്കിയ പ്രസ്താവനയിൽ പറയുന്നു.

ഇറാനിലെ നിർണായക അടിസ്ഥാന സൗകര്യങ്ങൾക്കെതിരായ ആക്രമണങ്ങളെ പ്രധാനമന്ത്രി അപലപിച്ചു. ഇറാനിലെ ഇന്ത്യൻ പൗരന്മാരുടെ സുരക്ഷ ഉറപ്പാക്കുന്നതിൽ ഇറാൻ സർക്കാരിന്റെ പിന്തുണയ്ക്ക് നന്ദി അറിയിച്ചു. 

കപ്പൽ ഗതാഗതം ഉറപ്പാക്കണം. സമുദ്രപാതകൾ സുരക്ഷിതമായി നിലനിർത്തേണ്ടതിന്റെയും പ്രാധാന്യം ആവർത്തിച്ചുവെന്നും പ്രധാനമന്ത്രി അറിയിച്ചു.