മത്സ്യബന്ധനത്തിനിടെ കുഴഞ്ഞുവീണു: തൊഴിലാളിക്ക് നടുക്കടലിൽ ദാരുണാന്ത്യം,,

 അമ്പലപ്പുഴ: മത്സ്യബന്ധനത്തിനിടെ കുഴഞ്ഞുവീണ തൊഴിലാളി മരിച്ചു. വാടയ്ക്കല്‍ പനയ്ക്കല്‍പുരയ്ക്കല്‍ പി.എ. നിക്‌സണ്‍ (ജിജി-55) ആണ് മരിച്ചത്.

കടവുങ്കല്‍ ജോസിയുടെ ഉടമസ്ഥതയിലുള്ള സെയ്ന്റ് ഫ്രാൻസിസ് വള്ളത്തിലെ തൊഴിലാളിയായിരുന്ന ഇദ്ദേഹം വെള്ളിയാഴ്ച രാവിലെ ജോലിക്കിടെയാണ് കുഴഞ്ഞുവീണത്. പുന്നപ്ര സഹകരണ ആശുപത്രിയിലെത്തിച്ചെങ്കിലും രക്ഷിക്കാനായില്ല.

മൃതദേഹം ആലപ്പുഴ മെഡിക്കല്‍ കോളേജ് ആശുപത്രി മോർച്ചറിയില്‍. ഭാര്യ: ത്രേസ്യാമ്മ നിക്‌സണ്‍. മക്കള്‍: എലിസബത്ത് നിക്‌സണ്‍, ലെനോ നിക്‌സണ്‍, ലെവിൻ നിക്‌സണ്‍. സംസ്‌കാരം ശനിയാഴ്ച ഉച്ചയ്ക്കുശേഷം വാടയ്ക്കല്‍ ദൈവജനമാതാപള്ളി സെമിത്തേരിയില്‍.