കൊല്ലം: നന്നായി ഭക്ഷണം കഴിച്ചു കഴിഞ്ഞ് മിനിറ്റുകള്ക്കുള്ളില് തന്നെ വീണ്ടും വിശപ്പ് തോന്നുന്ന അവസ്ഥ പലരെയും അലട്ടാറുണ്ട്.
നിങ്ങളുടെ പ്ലേറ്റിലെ ഭക്ഷണത്തിന്റെ കൂട്ടുകെട്ട് ശരിയല്ലെങ്കില് എത്ര കഴിച്ചാലും വിശപ്പ് മാറിയെന്നു വരില്ല. പ്രോട്ടീൻ, നാരുകള്, ആരോഗ്യകരമായ കൊഴുപ്പുകള് എന്നിവ കുറഞ്ഞ ഭക്ഷണമാണ് നിങ്ങള് കഴിക്കുന്നതെങ്കില് രക്തത്തിലെ പഞ്ചസാരയുടെ അളവ് പെട്ടെന്ന് ഉയരുകയും അത്രതന്നെ വേഗത്തില് താഴുകയും ചെയ്യും. രക്തത്തിലെ പഞ്ചസാര പെട്ടെന്ന് കുറയുമ്പോള് തലച്ചോറ് വീണ്ടും ഭക്ഷണത്തിനായുള്ള സന്ദേശം നല്കുന്നു. ഇത് നിങ്ങളെ വീണ്ടും കഴിക്കാൻ പ്രേരിപ്പിക്കുകയും ശരീരഭാരം കൂടാൻ കാരണമാവുകയും ചെയ്യുന്നു.
ഭക്ഷണം അതീവ വേഗതയില് കഴിച്ചുതീർക്കുന്ന ശീലവും ഒരു വില്ലനാണ്. ആമാശയം നിറഞ്ഞുവെന്ന സന്ദേശം തലച്ചോറിലെത്താൻ ഏകദേശം 20 മിനിറ്റ് സമയമെടുക്കും. അത്രയും സമയം നല്കാതെ ധൃതിയില് ഭക്ഷണം അകത്താക്കുമ്പോള്, വയർ നിറഞ്ഞ വിവരം തലച്ചോറ് അറിയാൻ വൈകുന്നു.
ഫലമോ, ശരീരം ഇപ്പോഴും വിശപ്പിലാണെന്ന് തലച്ചോറ് തെറ്റിദ്ധരിക്കുകയും നമ്മള് അമിതമായി ഭക്ഷണം കഴിക്കുകയും ചെയ്യുന്നു. സമാധാനമായി ചവച്ചരച്ച് കഴിക്കുന്നത് വിശപ്പിനെ നിയന്ത്രിക്കാൻ സഹായിക്കും.
ശാരീരികമായ കാരണങ്ങള്ക്ക് പുറമെ ഉറക്കമില്ലായ്മയും മാനസിക സമ്മർദ്ദവും വിശപ്പിനെ വല്ലാതെ സ്വാധീനിക്കുന്നുണ്ട്. വിശപ്പിനെ നിയന്ത്രിക്കുന്ന ഹോർമോണുകളായ ലെപ്റ്റിൻ, ഗ്രെലിൻ എന്നിവയുടെ താളം തെറ്റാൻ ഉറക്കക്കുറവ് കാരണമാകും.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.